Bank naryǵynda aqparatty tehnologııamen ıntegrasııalanýdy barynsha jeteldetken qarjy ınstıtýttarynyń qatarynda «Sberbank» AQ bar. «Biz SberPOS týraly aıtyp otyrmyz. POS-termınaldyń barlyq fýnksııalary bar. Kúni búginge deıin bolashaqtyń tehnologııasy dep kelgen qurylǵyny pandemııa jedeldetti. SoftPOS tehnologııasy - bul ǵalamdyq naryqtaǵy jańa sheshim, ol AQSh, Túrkııa, Polsha, Reseı jáne Belarýs elderinde pılottyq rejımde qoldanylady jáne óz turǵyndary arasynda tanymal bola bastady. Bul túsinikti, óıtkeni ony asyra aıtpaǵanda qarapaıym ári qoljetimdi. Sberbank mamandary ótken jyly kez-kelgen Android smartfonyn POS termınalǵa aınaldyrý ıdeıasyn usyndy jáne búgin ol bıznes úshin qoljetimdi boldy, deıdi «Sberbank» AQ Tranzaksııalyq bıznes departamentiniń dırektory Andreı Kım.
Keshe onlaın formattaǵy jıynda A. Kım ónimniń kóptegen artyqshylyqtary bar ekenin aıtyp ótti. Qolma-qol aqshasyz tólemderdi qabyldaý úshin POS-termınaldardy paıdalaný - bul bıznestiń zańdy talaby, biraq termınaldyń ýaqyttyń talabyna ilese almaı qalǵanyn pandemııa kórsetti. «Biz jaǵdaıdy túzetýdi sheshtik, nátıjesinde SberPOS paıda boldy, bul shyn máninde kóptegen artyqshylyqtarǵaıe», degen Andreı Kım ustanymyn tómendegi ereksheliktermen tuzdyqtap ótti. Birinshiden, mobıldi termınal ádettegiden góri tıimdirek. Kádimgi «pıknıkti» paıdalanǵany úshin abonenttik tólem aıyna orta eseppen 3 myń teńgeni quraıdy. Sberbank shoty nemese korporatıvti kartasy bar salymshy SberPOS-ny smartfonyna aktıvtendirý úshin bankke qashyqtan júgine alady, sodan keıin bank ótinish berýshini óńdeý júıesine qosady. Saýda-sattyq kezinde qosymshada avtorızasııalaý úshin telefon nómirin nemese elektrondyq poshta mekenjaıyn engizý kerek, al júıe oǵan SMS-habarlamada nemese qosymshanyń ózinde tirkelý úshin elektrondyq poshtaǵa kod jiberedi.
Iske qosylǵannan keıin smartfon tólem kartalary boıynsha baılanyssyz tólemderdi alýǵa arnalǵan tolyq qurylǵyǵa aınalady. Bastapqy kezeńde MasterCard kartalary SberPOS arqyly tóleýge qol jetimdi bolady, biraq kóp uzamaı oǵan basqa halyqaralyq tólem júıeleri qosylady.
Ekinshi mańyzdy artyqshylyǵy - SberPOS kásipkerlerdi ádettegi termınaldy qoldanǵan kezdegi qarjylyq jaýapkershilikten bosatady, bul kóp jaǵdaıda banktiń menshigi bolyp tabylady. Sonymen qatar, uıaly telefonnyń antennasy klassıkalyq POS-qa qaraǵanda áldeqaıda kúshti, sondyqtan osy kúnge deıin qoldanysta bolǵan SOSPOS kádimgi POS-termınalǵa qaraǵanda durys jumys istemeı keldi. Al SberPOS-qa kádimgi qurylǵylarǵa qajet qaǵaz chegin berý úshin qaǵaz qajet emes, chekti elektrondy poshta arqyly karta ıesine ońaı jiberýge bolady.
«Mobıldi POS-termınaldyń alǵashqy paıdalanýshylary taksı qyzmetin usynatyn kompanııalar, bazarlardaǵy gúl satatyn dúkender men gúl satýshylar bolýy múmkin. Obektıvti sebepterge baılanysty jetkizý qyzmeti barlyq kýrerlerdi POS-termınaldarmen qamtamasyz ete almaıdy, al bizdiń qosymshamyz tegin jáne kýrer óz jumysynda paıdalanatyn uıaly telefonǵa ońaı ornatylady», dep tolyqtyrdy Rımma Zakıeva.
Sonymen birge, ol telefon arqyly tólemderdi qabyldaýdyń qarapaıym ári tehnologııalyq joly bar ekenin túsindirdi. «Uıaly telefonǵa baǵdarlamalyq jasaqtamany ornatý arqyly satýshy satyp alý tólemin osy júıelerdiń birin paıdalanatyn satyp alýshynyń telefonynan qabyldaı alady», - dedi Rımma Zakıeva.
Aıtpaqshy, qaýipsizdik máseleleri sheshilgen. SberPOS arqyly 10 myń teńgege deıin satyp alý úshin kartamen tólegen kezde rastaý qajet emes. «Eger soma kóp bolǵan jaǵdaıda, klıentti saýsaqpen smartfon ekranyna qol qoıýǵa shaqyrady. Eger satyp alýshy Samsung Pay jáne Apple Pay qoldanatyn bolsa, onda ol gadjetin satýshynyń telefonyna salyp, tólem qol qoıýdy talap etpesten júzege asyrylady», dep túsindirdi Rımma Zakıeva.
Nátıjesinde, satyp alýǵa aqsha satýshynyń aǵymdaǵy shotyna nemese satýshynyń uıaly bankıng arqyly táýlik boıy basqaratyn korporatıvtik kiris kartasyna túsedi.
«Bizdiń ónimdi ázirleý kezinde bizdiń aldymyzda turǵan mindet bıznes ókilderi men tutynýshylardyń ómirin jeńildetip, yńǵaıly etýdi kózdedi» dedi Andreı Kım áńgime sońynda. «SberPOS-tyń paıda bolýy osyǵan deıingi jańalyqtardyń bastamasy ǵana eken. Sberbank toby qosymshany jetildirýdi jalǵastyrýda, jańa fýnksııalar paıda bolady, bul ony kásipkerler úshin odan da yńǵaıly etedi. Bul týraly kelesi jıyndarda tolyq aıtylady.
