Koronavırýs • 01 Mamyr, 2020

Medısına qyzmetkerleriniń ál-aýqatyn esten shyǵarmaımyz - mınıstr

26 retkórsetildi

Bul týraly Densaýlyq saqtaý mınıstri Eljan Birtanov Facebook paraqshasynda jazdy.

«Keshe jınalys ótkizip, másele boıynsha negizgi sarapshylardy tyńdadym. Shtabta biz Almatydaǵy Ortalyq qalalyq aýrýhanasynda dárigerlerdiń jappaı vırýs juqtyrý jaǵdaıyn taǵy bir ret talqyladyq. Shtab jumysynyń qorytyndysy boıynsha áriptesterimmen onlaın rejımde kezdesýdi uıǵardym. Keshke osy emhananyń dárigerlerimen sóılestim. Týyndaǵan máselelerdi tyńdap, áńgime órbittik. Kezdesýge Almaty qalasy ákiminiń orynbasary Erjan Babaqumarov, Eńbek jáne halyqty áleýmettik qorǵaý mınıstrliginiń, Almaty qalalyq densaýlyq saqtaý basqarmasynyń basshysy, kásipodaqtardyń densaýlyq saqtaý uıymdarynyń ókilderi jáne aýrýhananyń medısına qyzmetkerleri qatysty», - dep jazdy mınıstr Facebook paraqshasynda.

Mınıstrdiń jazýynsha, aýrýhananyń qyzmetkerleri ústemeaqy alý týrasynda jazba qaldyrǵan. О́z sózderinde olar vırýsty naýqastardan juqtyrǵanyn kórsetken. «Osyǵan baılanysty aýrýhana qyzmetkerleri ótemaqy alýǵa úmittenip otyr. Olardyń árbir ótinishin jeke qarastyrdyq. Osy máselege qatysty jaǵdaıdyń kúrdeliligin eskerip, alýan túrli pikirdi tyńdap, men jergilikti atqarýshy organdy (ákimdik) jáne qalalyq densaýlyq saqtaý basqarmasyn Eńbek jáne halyqty áleýmettik qorǵaý mınıstrliginiń 2020 jyldyń 9 sáýirindegi №129 buıryǵyna taǵy bir ret nazar aýdarýǵa shaqyrdym. Ol buıryqta aldyńǵy qatardaǵy dárigerlerge tólenetin jaǵdaılardy, jumys ornyndaǵy ınfeksııalar úshin syıaqylardyń jaǵdaılaryn zertteıtin jáne túpkilikti sheshim qabyldaýǵa múmkindik beretin komıssııalardy qurýǵa barlyq ókilettik berilgen», - dep jazady mınıstr.

Mınıstr táýelsiz komıssııanyń quramyna ákimdiktiń ókilderi, taýarlar men kórsetiletin qyzmetterdiń sapasy men qaýipsizdigin baqylaý departamentiniń (oblystyń bas memlekettik sanıtarlyq dárigeri) ókilderi, oblystyń, respýblıkalyq mańyzy bar qalanyń jáne astananyń densaýlyq saqtaý jónindegi jergilikti memlekettik organynyń, jumyspen qamtý jáne áleýmettik qorǵaý jónindegi jergilikti basqarma nemese bólimniń, «Nur Otan» partııasy, medısına qyzmetkerleriniń múddelerin bildiretin úkimettik emes uıymdardyń ókilderi kiretinin eske saldy.

«Qoǵamdyq pikir kóshbasshylaryn, jýrnalısterdi pikirtalasqa qatysýǵa shaqyramyn. Máseleniń sheshimin tabý úshin bul jerde eń aldymen ashyqtyq kerek. Taǵy bir mańyzdy másele – eger medısınalyq qyzmetker koronavırýs ınfeksııasyn juqtyrýdyń saldarynan karantınde bolsa, olar kiris kózinen aıyrylmaýy kerek. Bári de zańǵa saı tólenýi tıis», - dedi ol.

Eljan Birtanovtyń aıtýynsha, komıssııa tóraǵasy sol komıssııa músheleriniń bergen daýysy boıynsha saılanady. Komıssııa tóraǵasy retinde ákimdik qyzmetkerin, atap aıtqanda ákimniń orynbasary deńgeıindegi adamdy saılaýǵa keńes berilip otyr.

«Osy komıssııa sheshiminen keıin ǵana tólemder boıynsha naqty shara qabyldanady. Jergilikti atqarýshy organnyń jáne densaýlyq saqtaý basqarmasyndaǵy áriptesterden taǵy da suraımyn: Dárigerlerge qıyn kezderde týyndaǵan problemalardy sheshýge kómektesý úshin másele tez arada sheshilse deımiz. Indetke qarsy kostıýmder máselesin jaqyn arada tekseremiz. Bul jerde kez-kelgen aýrýhana basshylyǵy óziniń medısınalyq qyzmetkerlerin jeke qorǵanys quraldarymen qamtamasyz etýge mindetti ekenin atap ótkim keledi. Qurmetti medısına salasyndaǵy áriptester, sizden komıssııa sheshimi shyqqanǵa deıin tynyshtyq saqtaýyńyzdy suraımyn. Siz karantınde em qabyldap jatyrsyz. Densaýlyǵyńyzǵa muqııat qarańyz. Tolyq saýyǵý úshin barlyq saqtyq sharasyn qabyldańyz! Siz elge kereksiz! Kerisinshe biz medısına qyzmetkerleriniń ál-aýqatyn esten shyǵarǵan emespiz. Men kez kelgen medısına qyzmetkerine qulaq asyp, ony qorǵaýǵa daıynmyn! Kezdesý qorytyndysynan keıin ol nıetimdi túsindińizder degen oıdamyn. Bárińizge rahmet!», - dedi Eljan Birtanov.

 

 

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar