Aımaqtar • 01 Mamyr, 2020

«Men jastarǵa senemin» baıqaýyna 5 myńdaı stýdenttiń jumysy kelip tústi

12 retkórsetildi

Koronavırýs pandemııasy bizdiń ómirimizge eleýli ózgerister engizdi. Bıylǵy jyly «Men jastarǵa senemin» respýblıkalyq baıqaýy onlaın-formatta bastaldy. Elimizdegi jáne álemdegi kúrdeli jaǵdaıǵa qaramastan, biz stýdentterdiń úlken belsendiligin ańǵarýdamyz. Baıqaýǵa qatysýǵa elimizdiń barlyq óńirleriniń jastary nıet bildirdi.

Baıqaýdyń jastar arasynda úlken tanymaldyqqa ıe bolýy kezdeısoq emes. Bul olardyń ózderi týraly málimdeýge, sondaı-aq áleýmettik-mańyzdy bastamalary jáne shyǵarmashylyq jobalarymen bólisýge biregeı múmkindik.

Osyndaı múmkindikti 5 myń adam paıdalanyp, QazUÝ saıtynda tirkelip sharaǵa qatysýǵa ótinish bergen. Olar óz qalaýy boıynsha ártúrli sanattardy tańdady. Osylaısha, poetıkalyq nomınasııaǵa 1,5 myńǵa jýyq adam qatysýǵa nıet bildirse, 436 jas oryndaýshy patrıottyq ánder konkýrsyna, 1,7 myńnan astam qatysýshy óz esselerin jiberdi. Uıymdastyrý komıtetiniń atyna 1,4 myńnan astam áleýmettik mańyzy bar «Qaıyrymdy qoǵam» bastamalary men 145 stýdenttik ınnovasııalyq jobalar kelip tústi.

Baıqaýdyń aýqymy keń jáne Qazaqstannyń barlyq óńirlerin qamtıdy. Almaty qalasynyń 1146 stýdenti asa úlken belsendilik tanytty. Bes júzden astam jumys Nur-Sultan, Shymkent jáne Atyraý qalalarynan, Batys Qazaqstan, Aqtóbe jáne Túrkistan oblystarynan kelip tústi. Shyǵys Qazaqstan, Pavlodar jáne Qaraǵandy oblystarynan 300-ge jýyq úmitker ótinim jiberdi.

Kóptegen stýdentterdiń ótinishteri boıynsha ótinimder men konkýrstyq jumystardy qabyldaý merzimi 15-mamyrǵa deıin uzartyldy. www.kaznu.kz saıtynda tirkelý arqyly ótinim berý, irikteý týrynyń barysyn qadaǵalap, sondaı-aq onlaın-daýys berýge qatysýǵa bolady.

Esterińizge sala keteıik, baıqaý úzdik stýdenttik ınnovasııalyq joba men «Elimizdiń ınnovasııalyq damýyna meniń naqty úlesim» atty startap, «Qaıyrymdy qoǵam» áleýmettik jobasy, sondaı-aq «Men óz elimniń órkendeýi úshin ne isteı alamyn?» atty úzdik esse, poetıkalyq shyǵarmalar men patrıottyq taqyryptaǵy án nomınasııalary boıynsha ótkiziledi. Qatysýshylardyń jumystaryn táýelsiz qazylar alqasy baǵalaıdy, oǵan qoǵam qaıratkerleri, ǵylym, mádenıet jáne óner, bıznes, memlekettik qurylymdar men BAQ ókilderi kiredi.

Baıqaýdyń qorytyndysy «Men jastarǵa senemin!» VIII forýmynyń aıasynda 2020 jyldyń qarasha aıynda ál-Farabı atyndaǵy QazUÝ-da ótkiziledi. Qatysýshylar taqyryptyq seksııalardyń otyrystarynda óz jobalaryn tanystyryp qorǵaýǵa múmkindik alady. Jeńimpazdarǵa dıplomdar men baǵaly syılyqtar beriledi. Eń úzdik dep tanylǵandar bas júlde – QazUÝ-dyń bir jyldyq tegin oqý grantyna ıe bolady. Onlaın-daýys berý nátıjesi boıynsha kórermen kózaıymy syılyǵy tabys etiledi.

 

 

 

ALMATY

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar