Aımaqtar • 01 Mamyr, 2020

Kólik komıtetiniń tóraǵasy qazaqstandyqtardy merekemen quttyqtady

41 retkórsetildi

Indýstrııa jáne ınfraqurylymdyq damý mınıstrligi Kólik komıtetiniń tóraǵasy Samat Gılımov barsha qazaqstandyqtardy aıtýly merekemen quttyqtady.

  – Barshańyzdy 1 mamyr – Qazaqstan halyqtarynyń birligi merekesimen quttyqtaımyn! Bir shańyraqtyń astyndaǵy halqymyzdyń dostyǵy men ózara túsinistigi odan ári jalǵasyp, elimizdegi ultaralyq tatýlyq pen yntymaq árdaıym berik bolyp, birligimiz jasaı bersin! Bul kún - árbir adam úshin Otanǵa degen súıispenshilik pen patrıottyq sezimniń, azamattyq borysh pen jalpy ulttyq kelisimniń merekesi! Búkil álemge taralǵan indet bizdiń elimizge de ońaı tıgen joq. Osyndaı basymyzǵa túsken synaqtan súrinbeı ótip, bir-birimizge demeý bolyp, dostyǵymyz ben birligimizdi odan ári arttyra túsemiz dep senemin. Búgingi kúni juqpaly indettiń qaýiptiligine qaramastan aldyńǵy shepte medısına men polısııa qyzmetkerleri jáne kóliktik baqylaý organdarynyń mamandary óz úıleri men bala-shaǵalarynan buryn halyqtyń densaýlyǵy men eldiń amandyǵy úshin kúresip keledi. Osyndaı qıyn-qystaý kezeńde temir jol, teńiz jáne avtomobıl kóliginde jolaýshylarǵa kómek qolyn sozyp, otbasyna oralýyna járdemdesýde.  «Birlik bar jerde - tirlik bar» degen sózdi dana halqymyz teginnen-tegin aıta salmasa kerek. Aýyzbirlik pen túsinistik, qarapaıym syılastyq ústemdik qurǵan jerlerge qashanda nátıjeli isterdiń berekesi bolatyny belgili.  Qazaqstan halqy órken jaıyp, memleketimiz – molshylyqqa, árbir shańyraq baqyt pen shattyqqa kenelsin! Sizderge baqyt, zor densaýlyq, eńbekterińizge tabys tileımin. Beıbit ómirdiń berekesi, halqymyzdyń yntymaǵy men birligi arta bersin, – deıdi Samat Gılımov.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Uqsas jańalyqtar