Aımaqtar • 01 Mamyr, 2020

Abaı atyndaǵy ýnıversıtette jastar saıasatyna basymdyq berilgen

118 retkórsetildi

Abaı atyndaǵy QazUPÝ stýdenttik ózin-ózi basqarý júıesinde jastarǵa tańdaý erkindigin berý, ashyq qoǵam qurý, ózin-ózi basqarý júıesiniń básekege qabilettiligin arttyrýǵa basymdyq berip keledi. Jastar isi jónindegi komıtet, Stýdenttik rektorat, stýdenttik ózin-ózi basqarý keńesi jáne basqa da jastar uıymdary osyǵan negiz bola alady.

Bilim jáne ǵylym mınıstrliginde ótken keńeste Abaı atyndaǵy QazUPÝ rektory Takır Balyqbaev baıandama jasap, ýnıversıtettegi tárbıe úrdisi ulttyq tárbıege negizdelgen oqý úderisiniń ajyramys bóligi bolyp tabylatynyn atap ótti. Elimizdiń jetekshi pedagogıkalyq ýnıversıtetiniń basshysy Abaı atyndaǵy QazUPÝ-da ótkiziletin tárbıe jumysynyń segiz baǵytyna toqtaldy: «Rýhanı jańǵyrý» baǵdarlamasy;. ulttyq tárbıe jáne Abaı murasyn nasıhattaý;. Jastardyń shyǵarmashylyq áleýeti;. eriktiler qozǵalysy; stýdenttik ózin-ózi basqarý júıesi; sybaılas jemqorlyqtyń aldyn alý; stýdentterdi áleýmettik qoldaý; ashyqtyq saıasaty, keri baılanys.

Rektor árbir baǵyt boıynsha atqarylyp jatqan jumystarǵa keńinen toqtalyp ótti.  Aǵymdaǵy jyly  «Rýhanı jańǵyrý» baǵdarlamasy aıasynda halyqaralyq jáne respýblıkalyq, qalalyq jáne ýnıversıtettik deńgeıdegi 35 is-shara ótkizilip, «Týǵan Jer», «Qazaqstannyń kıeli jeleriniń geografııasy»; «Qazaqstannyń qazirgi mádenıeti jahandanǵan álemde»; «Jańa gýmanıtarlyq bilim. 100 jańa oqýlyq», «Uly dala tulǵalary» jobalary júzege asyryldy. «Jańa gýmanıtarlyq bilim. 100 jańa oqýlyq» jobasy boıynsha ýnıversıtettiń kitaphana qory álemdegi qazaq tiline aýdarylǵan eń úzdik 49 oqýlyqpen tolyqtyrylyp, olar oqý úrdisinde belsendi qoldanylýda.

Jastardyń ulttyq sana-sezimin qalyptastyrý, onyń azamattyq jáne áleýmettik belsendiligin arttyrý maqsatynda «Ulttyq tárbıe» páni engizilip (2011), elektıvti pán retinde barlyq mamandyqtar boıynsha 1 kýrs stýdentterine 2 kredıt negizinde júrgizilip keledi. Hákim Abaıdyń taǵylymdyq murasyn keńinen nasıhattaý maqsatynda barlyq 1 kýrs stýdentterine 1 kredıt negizinde «Abaıtaný» páni oqytylýda. «Abaıtaný» páni sabaq retinde qazaq, orys toptarynda júrgiziledi.Bıyl ýnıversıtetimizde «Abaı jyly» bolyp jarııalyp, jastar tárbıesi baǵytynda sharalarǵa arqaý boldy. Abaıdyń Qunanbaevtyń 175 jyldyǵyn merekeleý aıasynda jastar arasynda Hákimniń ádebı muralaryn keńinen nasıhattaý maqsatynda arnaıy jospar bekitilip, josparǵa 62 shara engizildi. Ýnıversıtet janynda Qazaqstan halqy Assambleıasy kafedrasy jastarǵa ultaralyq tutastyq qaǵıdalaryn dáripteý baǵytynda jumys jasap keledi.

Jastardyń shyǵarmashylyq áleýetin arttyrý maqsatynda Jastar jyly aıasynda «Smart Students» kovorkıng ortalyǵy, «Orazaly Dosbosynov» atyndaǵy jas aqyndar ortalyǵy, «JasStar» mýzykalyq stýdııasy ashyldy. Oqý jylyna arnalǵan josparǵa sáıkes 46 iri jáne mańyzdy is-sharalar uıymdastyryldy.

Qazirgi ýaqytta ýnıversıtet qabyrǵasynda alty eriktiler qozǵalysy jáne «Stýdenttik áleýmettik kredıt» jobasy jumys isteıdi. «Stýdenttik áleýmettik kredıt» jobasy (2019) jastardyń azamattyq belsendiligin arttyrady jáne búgingi kúni klýbqa tartylǵan eriktilerdiń sany 395 bilim alýshyny quraıdy.

Eriktiler qozǵalysynyń ishinde «Akselerator dobra»/«Izgilik elshisi» jobasy - bul azamattyq qoǵamnyń belsendiligin arttyrýǵa jáne jastardy volonterlikke tartýǵa kómektesetin Sorbonna - Qazaqstan ınstıtýty janynan 2019 jyldyń 7 qazanynda iske qosylǵan eń irgeli joba. Jobanyń basty úılestirýshisi - ınstıtýt dırektory Aınýr Sabıtova. Qazirgi ýaqytta atalmysh joba respýblıkalyq mártebege ıe bolyp, eldiń 17 oblysynda belsendi jumys isteýde. Joba qataryndaǵy eriktiler zańnamalyq kómekke muqtajdarǵa keńester berip, qaıyrymdylyq sharalarǵa belsene qatysýda.

Ýnıversıtettegi Sybaılas jemqorlyqqa qarsy keńes qurylyp, úsh komıssııa jumys isteıdi. «Sanaly urpaq» stýdenttik klýby quryldy, «Parasat» jobalyq ortalyǵy ashyldy, ISO 37001-2016 halyqaralyq standartynyń Sapa menedjmenti júıesi, «Antıplagıat» júıesi engizildi. Qysqy sessııa barysynda «Sybaılas jemqorlyqsyz sessııa» aksııasy aıasynda saýalnama júrgizildi.

Qashyqtan oqytý júıesinde Akademııalyq adaldyqty qamtamasyz etý úshin emtıhandar kelesi formatta ótkiziledi: onlaın-test «Univer» júıesinde júrgiziledi jáne test tapsyrý kezinde akademııalyq adaldyqty baqylaý úshin proktorıng júıesi paıdalanady; shyǵarmashylyq pánder boıynsha emtıhandar beınekonferensııa formatynda ótkiziledi jáne proktorıng qoldanylady.

Aǵymdaǵy oqý jylynda 879 birinshi kýrs stýdentterine túrli kategorııalar boıynsha, al 766 stýdent áleýmettik jeńildikter aldy. Bıylǵy oqý jylynyń oqý aqysyn tóleý merzimi mamyr aıynyń sońyna deıin uzartyldy jáne stýdentter oqý aqysyn tólemeı emtıhandy kedergisiz tapsyrady.

Stýdenttermen keri baılanys «Open space» formaty, sondaı-aq, ótken jyldyń maýsym aıynan Call-ortalyǵy jumys isteıdi. Onda barlyq suraqtar boıynsha suraqtarǵa jaýap alýǵa bolady.

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar