Tabıǵı monopolııalar salasyndaǵy zań talaptaryna sáıkes, tabıǵı monopolııalar sýbektileri esepti kezeńnen keıingi mamyrdyń 1-nen keshiktirmeı ýákiletti organǵa, sonyń ishinde QR UEM Tabıǵı monopolııalardy retteý komıteti jáne onyń aýmaqtyq bólimshelerine bekitilgen tarıftik smetanyń oryndalýy, bekitilgen ınvestısııalyq baǵdarlamanyń oryndalýy týraly esepterdi, sondaı-aq, zańnamada kózdelgen basqa da esepterdi usynýǵa mindetti.
Budan basqa Kásipkerlik kodeksindegi qoǵamdyq mańyzdy naryq sýbektileriniń kelesi kúntizbelik jyldyń 1 mamyrynan keshiktirmeı shekti baǵada eskerilgen ınvestısııalyq baǵdarlamanyń oryndalǵany ne oryndalmaǵany týraly aqparatty usyný mindeti bekitilgen.
Osy rette Tabıǵı monopolııalardy retteý komıteti «Qazaqstan Respýblıkasynda tótenshe jaǵdaıdy engizý týraly» Qazaqstan Prezıdentiniń 2020 jylǵy 15 naýryzdaǵy №285 Jarlyǵymen engizilgen tótenshe jaǵdaı kezeńinde tabıǵı monopolııalar jáne qoǵamdyq mańyzy bar naryqtar sýbektileriniń esepter men aqparattyń jekelegen túrlerin usyný merzimderin uzartý týraly» buıryǵyn shyǵardy.
Buıryqqa sáıkes, 1-shi mamyrda usynylýǵa tıis 2019 jylǵy aqparat pen esepterdi usyný merzimi 2020 jyldyń 1 maýsymyna deıin uzartyldy.
Buıryqpen komıtettiń saıtynda myna silteme arqyly tanysýǵa bolady.
