Brıfıng barysynda Shymkent qalasy ákiminiń orynbasary Maqsut Isahov qalada sanıtarlyq-epıdemıologııalyq talaptardy qatań túrde saqtaı otyryp, birinshi jáne ekinshi kezeńde qaıta jumysyn bastaıtyn nysandar týraly jan-jaqty aqparat berdi.
- Qalamyzda búginnen bastap, birinshi kezeńde birqatar nysandar qyzmetin qaıta bastap, qalypty jumys rejımine ótti. Atap aıtsaq, hımııalyq tazalaý, kir jýý, kilem tazartý, turmystyq (mobıldi qurylǵylardy qosa), medısınalyq jáne óndiristik jabdyqtardy jóndeý ortalyqtary, turmystyq jáne keńse jabdyqtaryn satatyn dúkender, avtojýý, maı aýystyrý ortalyqtary, tehnıkalyq qyzmet kórsetý stansııalary iske qosylýda. Barlyq nysandar saǵat 10:00 men 18:00-ge deıin jumysyn jalǵastyratyn bolady, - dedi qala ákiminiń orynbasary.
Sondaı-aq aldyn ala jazylýmen sulýlyq salondary men shashtarazdar, sanıtarııalyq normalardyń jáne basqa da sanıtarııalyq-karantındik talaptardyń saqtalýymen júzege aspaq. Onda kelýshiler sany bir ýaqytta 5 adamnan aspaýy, otyratyn oryndardyń qashyqtyǵy kem degende 2 metr bolýy qajet.
Maqsut Pernebaıulynyń málimdeýinshe, ótinishti jiberýge úlgermeı qalǵan kásipkerlerge taǵy da múmkindik berilip otyr. Iаǵnı, jumysyn bastaıtyn nysan jetekshileri 3 mamyr kúni saǵat 14:00-ge deıin tómendegi kórsetilgen poshtalarǵa ótinimdi jiberýi qajet. Abaı aýdany: karantin.abai@shymkent.gov.kz, Ál-Farabı aýdany: karantin.alfarabi@shymkent.
Qala ákiminiń orynbasary ekinshi kezeńde, ıaǵnı 4 mamyrdan bastap iske qosylatyn nysandardy da atap ótti.
Onyń aıtýynsha, aqparattyq-kommýnıkasııalyq kompanııalar, sondaı-aq 500 sharshy metrden aspaıtyn, barlyq baǵyttaǵy dúkender, fotosalondar, medısınalyq ortalyqtar, stomatologııalyq klınıkalar jarnama agenttikteri jumysyn bastamaq. Sondaı-aq kóshelerdegi sport alańdary, jeke kabınalary bar monshalar, tek aldyn ala jazylý boıynsha úı janýarlary men gúl satatyn dúkender, jyljymaıtyn múlik agenttikteri, kásipkerler osy nysanǵa sáıkes ótinish berip, ákimdiktiń elektrondyq poshtasyna jiberýi arqyly jumysyn jalǵastyra alady.
Sondaı-aq brıfıngte Shymkent qalasy boıynsha taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Almat Qosalıev sóz alyp, qala turǵyndaryn saqtyq sharalaryna nemquraıly qaramaýǵa shaqyrdy.
- Qazirgi tańda qalamyzda koronavırýs ınfeksııasymen 200-ge jýyq jaǵdaı tirkelip otyr. Sondyqtan árbir jumysyn jalǵasyrýshy kásipkerler bekitilgen qaýlyǵa sáıkes, sanıtarlyq talaptardy qatań túrde saqtaýy mindetti. Tártip buzǵan kásipkerlege ákimshilik jaza qoldanylatyn bolady, - dedi A. Qosalıev.
Shymkent
