Qala basshysy ondaǵy Munaıbarlaýshylar kóshesine salynǵan oıyn alańshasymen tanysty. Merdiger kompanııa ǵaryshtyq úlgide boı kótergen balalar alańshasyna qurylǵylardy arnaıy Reseıden aldyrypty. Mańynda úsh sport alańy da bar. Búginde turǵyndar ol jerge vıdeo kamera ornatýdy oılastyryp jatyr. Tek pandemııaǵa baılanysty elde jarııalanǵan tótenshe jaǵdaı qol baılaý bolyp otyrǵan kórinedi.
«Buryn oıyn alańshasynyń ornynda tozǵan káriz júıesinen aqqan sasyq sý kóldep, Badam ózenine aǵatyn. Káriz júıesi men aýyz sýmen úlken másele edi. Qazir jaǵdaı jaqsardy. Káriz júesi jańaryp, táýligine 24 saǵat tirshilik nári beriledi. О́tken jyly elektr júıesi tartyldy. Sondyqtan júıeli jumystyń arqasynda bizde birtindep máseleler sheshilip jatyr. Ákimdikke alǵys aıtamyz. Mynadaı oıyn alańshasy Astanadan basqa esh jerde joq sııaqty. О́zderinde oıyn alańshasy bolsa da, kórshiles Maıatas, Eltaı, Aınatas eldi mekenderiniń balalary osynda kelip oınaıdy», - deıdi Munaıbarlaýshylar kóshesiniń tóbe bıi Talıba Býrkoveskaıa.
Turǵyndardyń aıtýynsha, búginde kósheni jaryqtandyrý máselesi ózekti. О́z kezeginde Murat Áıtenov jaryq shamdaryn ornatýdyń ońtaıly joldaryn qarastyryp jatqanyn jetkizdi.
