«Jol aktıvteriniń ulttyq sapa ortalyǵy» RMK Atyraý oblystyq fılıaly dırektorynyń mindetin atqarýshy Jantas Sharıpovtiń aıtýynsha, elimizde jol salýshy mamandarǵa suranys áli tolyq qamtylǵan joq. Ol bul týraly mektep mektep túlekterimen ZOOM jáne WhatsApp jelisi arqyly onlaın kezdesý ótkizip, kásibı baǵyt-baǵdar berý kezinde aıtty.
– Qazaqstanda jol qurylysy jyl saıyn qarqyn alyp keledi. Demek, osy salaǵa jol sheberleri men ınjenerler, zerthanashylar, asfaltbeton tóseýshiler, avtogreıdershiler men mehanızatorlar, qaıta óńdeýshiler, arnaıy tehnıkany júrgizýshiler, geodezıster, kartograftar, meteorologtar, mehanıkter, tokarlar, dızaınerler, tipti ǵalymdar da aýadaı qajet, -deıdi Jantas Sharıpov.
Onyń aıtýynsha, elimizde jylma-jyl myńdaǵan shaqyrym respýblıkalyq jáne jergilikti mańyzy bar avtomobıl joly salynyp jatyr. Keıbir jol bólikterine qaıta jóndeý júrgiziledi. Qazir jol salasyndaǵy jumys prosesi tolyqtaı avtomattandyrylǵan.
Al jol sapasyn tekseretin ortalyq jyljymaly zerthanalarmen, zamanaýı qondyrǵylarmen qamtylǵan. Bul joldy sapaly jáne jyldam zertteý jumystaryn jeńildetip otyr.
Atyraý oblysy
