Kópjyldyq klımattyq málimetter boıynsha mamyr aıynyń birinshi jartysynda Qazaqstannyń ońtústik jartysynda, al aıdyń sońyna qaraı soltústik jartysynda úsik toqtatylady. Osy jyldyń mamyr aıynda túngi saǵattarda elimizdiń soltústik-shyǵys óńiri men ońtústik-shyǵystyń taýly jáne taý bókteri aımaqtarynda aýa temperatarýsynyń úsikke deıin tómendeýi yqtımal.
Aıdyń eń basynda aýa raıyn Ortalyq Azııa aımaǵynan jyly aýa massalary anyqtaıtyn bolady, biraq frontaldy bólikterdiń ótýimen respýblıkanyń keı jerlerinde naızaǵaımen ótkinshi jańbyr, elimizdiń ońtústik jáne ońtústik-shyǵys jartysynyń keı jerlerinde kúshi 15-25 m/s deıin ekpindi jelmen qatty jańbyr jáne burshaq túsýi múmkin. QR basym bóliginde aýa temperatýrasy kúndiz +18+25°S, soltústik-batystyń keı jerlerinde +15°S, ońtústik-batysta jáne ońtústikte +25+30°S quraıdy.
2020 jyldyń 3-5 mamyr aralyǵynda Karsk teńizi aımaǵynan sýyq antısıklonnyń kirýimen jáne frontaldy bólikterdiń órshýimen elimizdiń soltústik-shyǵysynda arty qarǵa ulasatyn jańbyr, jeldiń ekpini 15-20 m/s kúsheıýi kútiledi.
Aýa temperatýrasy: QR soltústiginde, shyǵysynda jáne ortalyǵynda túnde -3+5°S deıin, kúndiz +7+12°S deıin tómendeıdi;
ońtústik-shyǵysynda túnde +2+10°S deıin, kúndiz +15+23°S deıin tómendeıdi;
elimizdiń ońtústik-batysy jartysynda Iran aımaǵynan jyly aýa massalarynyń shyǵýynan aýa temperatýrasynyń +25+33°C deıin joǵarylaýyna alyp keledi.
Birinshi onkúndiktiń ekinshi jartysynda ońtústik-batys jartysynan jylýdyń respýblıkanyń qalǵan aımaqtaryna yǵysýyna qaraı QR basym bóliginde jaýyn-shashynnyń toqtatylýy jáne temperatýralyq fonnyń joǵarylaýy kútiledi.
Sondaı-aq ekinshi jáne úshinshi onkúndikterde turaqsyz aýa raıy: ekpindi jelmen jáne naızaǵaımen jańbyr, burshaqtyń túsýi múmkin. Kezekti sýyq tolqynynda aýa temperatýrasynyń tómendeýi:
soltústik, shyǵys jáne ortalyq aımaqtarynda túnde -3+5°C deıin, kúndiz +10+15°C deıin;
QR batys jáne ońtústik batys jartysynda túnde +5+13°C deıin, kúndiz +13+21°C kútiledi.
Alaıda, ekinshi jáne úshinshi onkúndikterde joǵary temperatýra kúnderi basym bolady dep kútilýde: respýblıkanyń soltústik jartysynda kúndiz aýa +20+28°C deıin; ońtústikte +25+33°C deıin qyzady.
