Jańa zaýyttyń ashylýyna Almaty oblysynyń ákimi Amandyq Batalov, memleket jáne qoǵam qaıratkeri, Halyq qaharmany, Eńbek Eri Sergeı Tereshenko jáne belgili kásipker Temirhan Dosmuhambetov qatysty.
- Búgin biz birlesip «Taldyqorǵan» ındýstrıaldy aımaǵynda maıly daqyldar óńdep, ósimdik maıyn shyǵaratyn «Jetisý-Majıko» zaýytyn iske qosyp otyrmyz. Investorlarǵa zor alǵys aıtamyn. Biz óz tarapymyzdan ındýstrıaldy aımaq quryp, ony qajetti ınfraqurylymmen qamtamasyz ettik. Jalpy memleket qoldaýynyń jáne qabyldanǵan sharalardyń arqasynda ótken jyly Almaty oblysynyń ónerkásip óniminiń jalpy kólemi 1 trıllıon teńgege jýyqtady. Biz bárimiz birlesip Elbasynyń basty tapsyrmalaryn, Tuńǵysh Prezıdentimizdiń sara jolyn jalǵastyryp kele jatqan Memleket basshysy Qasym-Jomart Toqaevtyń júktegen mindetterin oryndaý maqsatynda jumys istep kelemiz. Bul jumystar ınvestısııa tartýǵa, jańa tehnologııamen jumys isteıtin zamanaýı óndiris oryndaryn ashýǵa, jańa jumys oryndaryn qurýǵa baǵyttalǵan. Búgingi ashylyp otyrǵan zaýyt – sonyń aıqyn aıǵaǵy, - dedi zaýyttyń ashylýynda sóz alǵan oblys ákimi Amandyq Batalov.
«Jetisý-Majıko» agrokesheniniń bul óndirisine 4,4 mlrd teńge jumsalypty. Birinshi kezeńde 50 jumys orny ashyldy. Aldaǵy ýaqytta kásiporyn tolyq qýatyna qosylyp, zaýyt irgesi keńeıgesin 500 adamǵa turaqty kásip tabylmaq. Qazir iske qosylǵan zaýyt ystyqtaı syǵymdaý tásilimen ósimdik maıyn shyǵarady. Ol táýligine 500 tonna raps jáne 400 tonna kúnbaǵys óńdeıdi, sonyń nátıjesinde ósimdik maıy men jom óndiriledi. О́ndiris shıkizatpen 100 prosent qamtylǵan, nemis óndirýshileriniń qural-jabdyqtary ornatylǵan, sol arqyly alynatyn ónim sapasyn jaqsartý úshin maıly daqyl tuqymdaryn ekstrýzıondy tehnologııamen óńdeý qoldanylady. Daıyn ónim jergilikti naryqqa shyǵarylady, sonymen qatar taıaý bolashaqta Qytaıǵa eksporttalady.
Jalpy, jaqyn arada Taldyqorǵan qalasynda jalpy quny 22,9 mlrd teńge bolatyn taǵy 3 iri ınvestısııalyq joba júzege aspaqshy. Nátıjesinde 528 adam jumyspen qamtylady degen jospar bar.
Almaty oblysy
