Álem • 01 Mamyr, 2020

Túrki keńesi kólik mınıstrleriniń beınekonferensııasyn ótkizdi

70 retkórsetildi

Túrki keńesine múshe memleketterdiń kólik mınıstrleriniń beınekonferensııasy ótti. Konferensııaǵa Ázirbaıjannyń Kólik, kommýnıkasııalar jáne joǵary tehnologııalar mınıstri Ramın Gýlýzade, Túrkııanyń kólik jáne ınfraqurylym mınıstri Ádil Karaaımaıloglý, О́zbekstannyń kólik mınıstri Ilıor Ganıev, Vengrııanyń memlekettik kólik mınıstri Laslo Mosochı, Qyrǵyzstannyń kólik jáne joldar mınıstriniń memlekettik hatshysy Ermek Mamyrkalıev jáne Qazaqstannyń  Indýstrııa jáne ınfraqurylymdy damytý mınıstri Berik Qamalıev qatysty.

Otyrys barysynda olar Túrki keńesi memleket basshylarynyń jedel shuǵyl ótken vıdeo-sammıtte qabyldaǵan sheshimderiniń oryndalý barysyn talqylady.  Kezdesý barysynda olar qazirgi daǵdarysta kólik salasyn qoldaý boıynsha ulttyq deńgeıde qabyldanǵan sharalar týraly aqparatpen almasty jáne bizdiń elderimizdiń qazirgi kezdegi júk tasymalymen kezdesetin problemalaryn sheshýdiń praktıkalyq joldaryn talqylady.

Qatysýshylar qazirgi kezdegi kólik salasynyń eń ózekti mindeti azyq-túlik, medısınalyq maqsattaǵy buıymdar men jabdyqtar, sondaı-aq gýmanıtarlyq kómek sııaqty ómirlik mańyzdy taýarlarmen qamtamasyz etý bolyp tabylatyndyǵyn atap ótti.

Jahandyq pandemııanyń aımaq ekonomıkasyna tıgizetin keri áserin azaıtý maqsatynda Transkaspıılik Shyǵys-Batys halyqaralyq kólik dálizi arqyly kóliktik operasııalardy jeńildetýge erekshe nazar aýdaryldy. Atap aıtqanda, gýmanıtarlyq júkterdi, qajetti zattardy, dári-dármekter men medısınalyq tehnıkany jetkizý, sondaı-aq týyndaǵan máseleler boıynsha únemi aqparat almasý maqsatynda júk kólikteriniń shekaralary,  ótkizý pýnktteri arqyly ótýin jeńildetýde praktıkalyq kómek kórsetý týraly kelisimge qol jetkizildi. Kvota berýde ózara qoldaýdyń qajettiligi, vıza rásimderin jeńildetý jáne shekara syzyqtarymen júrýge ruqsat berý úshin alymdar týraly tolyq túsinik alyndy. 

Kezdesýdiń mańyzdy nátıjeleriniń biri – Túrki keńesi janynan «Kóliktik Úılestirý Komıteti» dep atalatyn, múshe elderdiń kólik mınıstrleriniń orynbasarlary deńgeıinde kóliktik operasııalardan týyndaıtyn problemalardy is júzinde sheshý, kóliktik jáne logıstıkany tıimdi úılestirý jónindegi top qurý týraly sheshim qabyldandy. Komıtettiń birinshi otyrysy osy jyldyń mamyr aıynyń ortasynda ótedi. Qazirgi jaǵdaıda taǵy bir mańyzdy sheshim – Túrki keńesi aıasynda múshe memleketter arasynda azyq-túlik, medısınalyq, gýmanıtarlyq taýarlar men qajetti taýarlardyń jyldam tranzıti úshin «Jasyl dáliz» qurý. Jańadan qurylǵan «Kóliktik Úılestirý Komıteti» bul mindetti basymdyqpen sheshedi.

Sondaı-aq «Túrkitildes memleketterdiń yntymaqtastyq keńesine múshe memleketter arasyndaǵy halyqaralyq birlesken júk tasymaly týraly kelisim» jobasy boıynsha kelissózderdi tez arada aıaqtaý týraly sheshim qabyldandy.

Túrki keńesi kólik mınıstrleriniń kelesi kezdesýin osy jazda Býdapeshte ótkizýge kelisti.

 

Sońǵy jańalyqtar

Shymkenttik 2000 jas jumyspen qamtylady

Aımaqtar • Búgin, 14:01

Júzdegen turǵynǵa jumys tabyldy

Aımaqtar • Búgin, 12:44

Qaraǵandy: Tarıh taǵylymyna taǵzym

Aımaqtar • Búgin, 10:15

Ǵataýlın qalaı halyq jaýy boldy?

Tarıh • Búgin, 10:00

Aýylda sport kesheni salynýda

Aımaqtar • Búgin, 09:28

QHL qyrkúıekte bastalady

Sport • Búgin, 08:09

Resmı shara bir jylǵa shegerildi

Sport • Búgin, 08:04

Stadıonǵa barýǵa ruqsat

Sport • Búgin, 07:45

Dala folklorynyń antologııasy

Rýhanııat • Búgin, 07:23

Jyr-dastandar – jańa formatta

О́ner • Búgin, 07:20

Sýret. О́zgeris. Qubylys

Rýhanııat • Búgin, 07:17

Baqyttyń berik bosaǵasy

Rýhanııat • Búgin, 07:13

Uqsas jańalyqtar