Aımaqtar • 02 Mamyr, 2020

Tótenshe jaǵdaı: Maqtaaral aýdanyn sý basyp jatyr

1060 retkórsetildi

Maqtaaral aýdanynyń ákimi, aýdandyq tótenshe jaǵdaı shtabynyń tóraǵasy Baqyt Asanov tóraǵalyǵymen 2 mamyr kúni túngi 00:00-de shtab múshelerimen arnaıy jıyn ótip, tótenshe jaǵdaı jarııalaýǵa tapsyrma berildi.

Keshe tańata О́zbekstannyń Syrdarııa oblysyndaǵy Sardaba sý qoımasynyń 6-pıket qabyrǵasy jarylyp, sý tasqyny oryn alǵan-dy. Saldarynan aımaqtyń birneshe eldimekenin sý basqan.

Bir táýlikke jeter-jetpes ýaqyt ishinde aǵyn sý О́zbekstanmen shekaralas Túrkistan oblysy Maqtaaral aýdanyna qarasty Jeńis, Nurly jol jáne Jańa turmys aýylyna jetken. Maqtaaral aýdany ákimdigi der kezinde qajetti sharalardy qolǵa alyp, aǵyn sý jetpeı atalǵan aýyl turǵyndaryn aýdan ortalyǵy Myrzakent qalasyndaǵy mektepterge evakýasııalaǵan.

Maqtaaral

«Maqtaaral aýdany shekarasyndaǵy «Sentralnyı golodnostepnyı Kollektor (SGK)» ótkizý qýaty sekýndyna 120 m3 bolsa, aǵyn sýdyń qattylyǵyna qaraı sekýndyna 180 m3 bolýy sebepti sý arnasynan shyǵyp, 02.05.2020 jyly saǵat 01-30 mınýt ótkende Jańajol aýyldyq okrýgine qarasty Jeńis jáne Eńbekshi aýyldyq okrýgine qarasty Jańaturmys eldi mekenine sý basý qaýpi týyndady.

Jeńis aýylynda 288 úı, 1922 turǵyny bar. Onyń ishinde 568 er adam, 546 áıel adam, 808 balalar men jasóspirimder. Sondaı-aq Jańa turmys aýylynda 47 úı, 321 turǵyn bar. Onyń ishinde 169 er adam, 152 áıel adam, 132 balalar men jasóspirimder bar. Turǵyndardy evakýasııalaýǵa 6 avtobýs (300 adamdyq), 4 kamaz (120 oryndyq), TJD 6 tehnıka men 36 adam, polısııa bóliminen 7 tehnıka men 70 adam jumyldyryldy. Myrzakent kentinde 4 evakýasııalyq pýnktte 2200 oryn daıyndalǵan», dep habarlandy Maqtaaral aýdany ákimdiginiń áleýmettik jelidegi resmı paraqshasynda.

Maqtaaral

Saǵat 05:00 shamasynda joǵaryda aty atalǵan úsh aýyldy tolyq sý basqan. Arada jarty saǵat ótkende ákimdik Myrzakent kentine de sý basý qaýpi týyndaǵanyna baılanysty, turǵyndardy endi Atakent kentine evakýasııa jasaý bastalǵanyn habarlady.

Tańǵy saǵat 07:00 ýaqyt boıynsha Maqtaaral aýdanynyń turǵyndaryn áli de qaýipsiz aımaqqa kóshirý jalǵasyp jatyr. Jergilikti turǵyndardyń aıtýynsha, adamdar jeke basynyń qamyn oılamaı, qoldan kelgenshe bir-birine kómek qolyn sozýda.

Oqıǵa ornynda habar taratyp júrgen shymkenttik jýrnalıst Oljas Mamyr áleýmettik jelidegi paraqshasynda Jeńis aýylynda eriktiler Tótenshe jaǵdaı qyzmettiń eki azamatty qutqaryp qalǵannyn jazdy. Olar aýyl turǵyndaryn evakýasııalap júrip, ózderi sýda qalyp qoıǵan. Sonymen qatar bir О́zbekstan azamaty ólgen jylqyǵa jarmasyp, aǵyn sýmen tún ishinde Jeńis aýylyna jetkende ony jergilikti turǵyndar qutqaryp alǵan. Azamatty dereý medısına qyzmetkerleri aýrýhanaǵa alyp ketti dep jazdy.

Oljas Mamyr

Saǵat 08:35-te Túrkistan oblysy óńirlik kommýnıkasııa qyzmeti Maqtaaral aýdanyndaǵy apatty-qutqarý jumystaryna TO TJD-niń jeke quramynan 138 adam, 8 tehnıka (1 GAZ-66, ÝAZ-390995), Shymkent qalasynan «OSO» MM 5 adam, 2 dana qaıyq, 1 tehnıka, 2 dana vahtalyq avtobýsy, jeke quramnan 12 maman, 4 dana MP-100 motopompasy, 2 úrlenbeli qaıyq, 10 L-1 jıyntyǵy (súńgýirler kıimi) kelgenin habarlady. Sonymen qatar Ulttyq gvardııanyń 6506 bólimshesinen 300 adam, 300 oryndyq 6 avtobýs, 120 oryndyq V, vahtalyq 4 KaMAZ, aýdandyq polısııa bóliminiń 7 tehnıkasy men 70 qyzmetker, jergilikti atqarýshy organnan 40 qyzmetker, 5 tehnıka tartylǵan.

Maqtaaral aýdany ákiminiń baspasóz hatshysy Dinmuhamed Aıazbekovtyń habarlaýynsha, jaǵdaı ázirshe turaqty. Adam shyǵyn joq. 

Sońǵy jańalyqtar

Qazaqstanda jol sapasy qashan jaqsarady?

Qazaqstan • Búgin, 12:00

Aqmolada joldar jóndeledi

Aımaqtar • Búgin, 09:12

Esilde 45 otbasy baspanaly bolady

Aımaqtar • Búgin, 09:10

«Qazarhıv» basqarmasy qajet

Rýhanııat • Búgin, 08:10

Kaka «Qaıratpen» birge

Sport • Búgin, 08:04

Mamyq-maýsym

Rýhanııat • Búgin, 07:57

Zańdy qaıta qaraý kerek

Saıasat • Búgin, 07:48

Mańyzdy sheshim

Pikir • Búgin, 07:43

Úńgir (úshtaǵan)

Ádebıet • Búgin, 07:17

«Oqyǵan azamattyń» derti...

Ádebıet • Búgin, 07:15

Zulmattyń zardaby aýyr tıdi

Tarıh • Búgin, 07:10

Tarıhtyń taǵylymyna taǵzym

Tarıh • Búgin, 07:07

Endi sol zulmattar qaıtalanbasyn!

Pikir • Búgin, 07:00

Tramp býnkerge tyǵyldy

Álem • Búgin, 06:57

Temirtaýda qazaq baspasózi joq

Qoǵam • Búgin, 06:54

Ár aýyl­dyń óz «Groz­nyıy» bolǵan

Rýhanııat • Búgin, 06:50

Syrdaǵy egin sýsyz qalýy múmkin

Ekologııa • Búgin, 06:48

Uqsas jańalyqtar