Aýdanda aýyl sharýashylyǵy ónimderin óndiretin 227 kásiporyn bar. Qazirgi tańda egistik alqaptarda ylǵal jabý jumystary júrip jatyr. Bıyl «Pıtkovskıı» sharýa qojalyǵynda burynǵy tehnıkadan basqa jańa eki «Mıýller» kesheni men «Omıchka» dán sepkishi bar «K-700» alqap basyna shyǵady. Olar bir táýlikte shamamen 400-450 gektar alqapqa dán sińiredi. О́tken jyly seriktestik «Mıýller» tehnıkasyn «Agrator» sebý keshenimen birge satyp alǵan. Tehnıka parki 90 mıllıon teńgege «QazAgroQarjy» kompanııasynyń jeńildikteri arqyly jańartyldy.
– Qolda bar tuqym birinshi surypqa sáıkes keledi. Bıdaıdyń úsh sortymen birge arpa da egemiz. Byltyr Reseıdiń Elıta, О́skemenniń Amgal jáne Lıýbava sortynyń tuqymdaryn satyp aldyq. 500 gektar alqapty parǵa qaldyramyz, – deıdi sharýa qojalyǵynyń jetekshisi Petr Pıtersıı.
Memleket basshysynyń tapsyrmasyn oryndaý maqsatynda Arshaly aýdanynda egis alqaptaryn ártaraptandyrý jáne ónimdiligi joǵary daqyldardy óndirýge qatysty jumystar jalǵasýda.
– Qazir 19 myń tonnadan astam tuqym bar. Aýyl sharýashylyǵy taýarlaryn óndirýshilerdi nesıelendirýge keletin bolsaq, «Arshaly nesıelik seriktestigi» arqyly kóktemgi egis naýqanyn ótkizýge aýdan boıynsha 23 sharýa qojalyǵy 570 mıllıon teńgege qarjylandyryldy,–deıdi aýdandyq aýyl sharýashylyǵy bóliminiń jetekshisi Rahat Mýsınov.
Arshalylyqtar 10-12 jumys kúni ishinde egis naýqanyn aıaqtaýdy josparlap otyr.
Aqmola oblysy
