Qazaqstan • 02 Mamyr, 2020

Taýly aýdandardaǵy ózenderde sý deńgeıiniń kóterilýi kútiledi - Qazgıdromet

321 ret

kórsetildi

1 mın

oqý úshin

2020 jyldyń 2-8 mamyr aralyǵynda Qazaqstan aımaǵynyń basym bóligi Máskeý aýdandarynan sıklonnyń yqpalynda bolady. Osyǵan baılanysty, naızaǵaı oınap, ekpindi jel turyp, burshaq jaýýy múmkin: ońtústikte – daýylmen; shyǵysta, ońtústikte jáne ońtústik-shyǵysta – keı jerlerde qatty jańbyr kútiledi. Bul týraly «Qazgıdromet» RMK baspasóz qyzmeti habarlady.

Egemen Qazaqstan

Taýly aýdandardaǵy ózenderde sý deńgeıiniń kóterilýi kútiledi - Qazgıdromet

Shyǵys-Qazaqstan, Almaty, Túrkistan jáne Jambyl oblystarynyń taýly jáne taý bókterindegi aýdandarynda ózenderde sý deńgeıiniń kóterilýi jáne búıirilik aǵynnyń qalyptasýy kútiledi.

Qazaqstanǵa aralyqtyń ortasynda Jańa Jer aralynan sýyq antısıklon taralady. Onyń kelýimen jaýyn-shashynnyń toqtatylýy, sondaı-aq aýa temperatýrasynyń túngi saǵattarda mınýsqa deıin tómendeýi kútiledi. Aralyqtyń sońynda ońtústikten jyly aýa massalarynyń shyǵarylýymen temperatýralyq fonnyń joǵarylaýy kútiledi.

Qazaqstannyń kóptegen oblystarynda kóktemgi sý tasý aralyǵy aıaqtaldy. Tek Soltústik-Qazaqstan jáne Shyǵys-Qazaqstan oblystarynda sý tasý aralyǵy mamyr aıynyń birinshi onkúndigine deıin jalǵasady.

Sondaı-aq Aqmola oblysynyń ózenderinde kóktemgi sý tasý shyńy ótti. Nura jáne Esil ózenderi deńgeıiniń odan ári aýytqýy boljanýda, bul ózenderdiń joǵarǵy jaǵyna qaraı jyljý tolqyny esebinen bolady.