Vırýstyń taralý qaýpi men mańǵystaýlyqtardyń ómiri men densaýlyǵyna alańdaýshylyqtyń saqtalýyna baılanysty halyqqa qyzmet kórsetý ortalyqtarynyń jumys tártibin ózgertý týraly sheshim qabyldandy.
О́zgerister HQKO-da kórsetiletin memlekettik qyzmet túrlerin, olardy usyný formatyn da qamtıdy.
- Endi qazaqstandyqtar HQKO-da elektrondy formatta qoljetimsiz, tek «qaǵaz» júzinde kórsetiletin qyzmetter men egov.kz arqyly rásimdelgen ótinishterdiń nátıjesin ala alady.
- HQKO-ǵa barý úshin 1414 baılanys ortalyǵy nemese nemese egov.kz saıtyndaǵy arnaıy servıs arqyly kezek ýaqytyn aldyna ala brondaý qajet bolady.
Bul azamattardyń HQKO-da kóptep jınalýyn boldyrmaıdy jáne vırýsty juqtyrý qaýpin joıady, osy rette qyzmet alýshylar da óz ýaqytyn únemdeıdi. Aldyn ala brondaýsyz esh qyzmet kórsetilmeıdi.
Azamattar elektrondy formatqa aýdarylǵan jáne egov.kz portalynda qoljetimdi barlyq memlekettik qyzmettiń 80%-dan astamyn tek ózdiginen nemese burynǵydaı HQKO ǵımarattarynda emes, ákimdikter janyndaǵy keńselerde, oqý oryndarynda, medısınalyq uıymdarda jáne t.b. jerde ornalastyrylatyn ózine-ózi qyzmet kórsetý sektorlarynda ala alady.
Onlaın qyzmetterdi jyldam ári yńǵaıly alý úshin azamattar 1414 nómirine habarlasa alady, onda HQKO operatorlary keńes beretin bolady.
Aıta ketý kerek, karantın jarııalanǵaly beri mańǵystaýlyqtar egov.kz elektrondy úkimet portaly, telegramdaǵy eGovKzBot2.0 boty jáne eGovMobile mobıldik qosymshasy arqyly óz betinshe onlaın túrde memlekettik qyzmetti alǵan. Degenmen 3 sanattaǵy azamattar, ıaǵnı zeınetkerler, kóp balaly otbasylar jáne múgedekter elektrondyq qyzmetterdi HQKO-dan ala alady. Ár front-ofıste olar úshin jeńildik terezesi jumys isteıdi. Sondaı-aq olar da HQKO-ǵa baratyn ýaqytyn aldyn ala brondaýy kerek.
-«Azamattarǵa arnalǵan úkimet» memlekettik korporasııasy» KE AQ Mańǵystaý oblystyq fılıal dırektory Erbol Baıjigittiń aıtýynsha, tótenshe rejım tártibimen jumys jasaǵan ýaqytta atalǵan ózgeristerdiń kerek ekenin kórsetti. Tótenshe jaǵdaı oryn alǵannan beri telefon qońyraýy arqyly 154 myń mańǵystaýlyq keńes aldy. Beınebaqylaý boıynsha 240 myń mańǵystaýlyq vırtýaldy assıstenttiń kómegine júgindi. 68 myń jerlesterimiz mobıldik bazaǵa tirkeldi. Jeti myńnan astam daıyn qujat tapsyryldy. Onlaın túrde 198 avtokólik pen 252 júrgizýshi kýáligi rásimdeldi. 34 myń Mańǵystaýlyq ESQ kiltin qashyqtyqtan aldy, dedi E.Baıjigit.
Ol sondaı-aq, atalǵan ózgerister tek Aqtaý qalasyndaǵy №1HQO men Mamandandyrylǵan HQO jumysyn qamtıtynyn atap ótti. Al aýdan ortalyqtary men aýyldy jerlerdegi HQO jumysy esh ózgeriske ushyramaıdy.
