*Pavlodar oblysynda egin oraǵy endi qyzdy. Ázirge bıdaıdyń ár gektarynan keminde 15 sentner, keı alqaptarda 27 sentnerge deıin ónim alynyp jatyr. Oraqty jyldamdatý úshin qyrmandarǵa qosymsha jumys toptary shyǵarylmaq.
*Atyraý munaı óńdeý zaýyty AI-98 janarmaıyn shyǵarýǵa daıyn. Bul týraly habarlaǵan kásiporynnyń bas dırektory Qaırat Orazbaev jyl sońyna deıin munda 1,5 mln. tonnadan astam munaı óńdeletinin aıtty.
*Pavlodar oblysynda egin oraǵy endi qyzdy. Ázirge bıdaıdyń ár gektarynan keminde 15 sentner, keı alqaptarda 27 sentnerge deıin ónim alynyp jatyr. Oraqty jyldamdatý úshin qyrmandarǵa qosymsha jumys toptary shyǵarylmaq.
*Atyraý munaı óńdeý zaýyty AI-98 janarmaıyn shyǵarýǵa daıyn. Bul týraly habarlaǵan kásiporynnyń bas dırektory Qaırat Orazbaev jyl sońyna deıin munda 1,5 mln. tonnadan astam munaı óńdeletinin aıtty.
*Balqashta kómir qaldyǵyn óńdeıtin óndiris oshaǵy ashylady. Mamandardyń aıtýynsha, atalǵan stansa elimizdiń energııa tapshylyǵyn azaıtyp, ásirese, ońtústik aımaqtardy elektr qýatymen qamtamasyz etedi. Ol jylyna 9 mlrd. kVt/saǵatqa deıin qosymsha elektr energııasyn óndire alady.
*2015 jyly Ulttyq biryńǵaı testileý alynyp tastalady. Bul týraly Bilim jáne ǵylym vıse-mınıstri Murat Ábenov habarlady. Onyń ornyna túlekter eki emtıhan tapsyrady. Birinshisi, mektep bitirgende, ekinshisi joǵary oqý ornyna túserde júrgiziledi.
*Air Astana áýe kompanııasy Astana–London reısin ashady. Bıylǵy 29 qazanda baǵyt túzeıtin bul qatynas joly tikeleı sıpatta júrgiziledi.
*Astanada «Memlekettik til – memlekettik qyzmette» baıqaýy ótip jatyr. Oǵan 15 top qatysýda. Bul shoǵyrdan eń úzdik 7 ujym aqtyq synǵa iriktep alyndy. Jarys sońynda jeńimpazdarǵa baǵaly syılyqtar men dıplomdar tabys etiledi.
*Shyǵys Qazaqstandaǵy Shemonaıha jastary Úbe ózeni jaǵasyn tazalaýǵa kiristi. Aımaqtaǵy «EkoGrın» jastar qoǵamdyq birlestigi, jastar ortalyǵy, shyǵarmashylyq úıi sekildi uıymdardyń bastamasymen qolǵa alynǵan bul sharaǵa oblys ákimi Berdibek Saparbaev úlken qoldaý kórsetip otyr.
*«Qazaqstan alıýmınııi» ekologııalyq buzýshylyqtar úshin 10 mln. teńge aıyppul tóledi. Qostanaı oblysy prokýratýrasy baspasóz qyzmetiniń habarlaýynsha, bul tártip buzýshylyqtar Lısakov qalasy prokýratýrasynyń 2013 jylǵy mamyrdaǵy júrgizgen tekserýi barysynda anyqtalǵan.
«QazAqparat», «Qazaqstan jańalyqtary», Bnews.kz, TengriNews, EgemenNews habarlary boıynsha daıyndaldy.
