Taraz qalasyndaǵy Abaı dańǵylynan Kósheneı kóshesine deıingi aralyǵynda ótken jyly «Taraztrasenergo» mekemesi jylý qubyryn júrgizý jumystaryn atqarǵan bolatyn. Qys mezgilinde kópshilik nashar jolmen júrip, mezi bolǵan edi. Tipti turǵyndar tarapynan da másele kóterilgen. Búginde atalǵan daýly máseleniń óz sheshimin tabýda. Qazirgi kezde merdiger kompanııa munda tehnıkalaryn qoıyp, joldarǵa asfalt tóseý jumystaryn bastap ketti.
Sonymen qatar, qaladaǵy Áıtıev kóshesiniń Qazybek bı kóshesinen Qonaev kóshesine deıingi aralyǵyndaǵy joldarǵa da turǵyndar tarapynan kóp syn aıtylǵan bolatyn. Búginde bul másele de qolǵa alynyp, joldardy asfalttaý jumystaryn «Araıstroımarket-2003» JShS-gi júrgizýde. Taraz qalalyq ákimdiginiń málimeti boıynsha, jalpy eni 11-12 shaqyrym bolatyn kósheniń 570 metr jol bóligi jóndeledi. Osyndaı jóndeý jumystaryn «Aıa-Servıs» JShS-gi Baızaq batyr kóshesinde de júrgizýde. Atalǵan seriktestik Tóle bı kóshesinen Tashkent kóshesine deıingi aralyqty asfalttaý jumystaryn da qarqyndy júrgizýde.
Atalǵan jumystardyń sapaly atqarylýyn qadaǵalaý maqsatynda qala ákimi Aıtqazy Qarabalaevtyń ózi qurylys basynda júr. Ol salynyp jatqan joldyń barysyn baqylap, merdigerge jumysty aıaqtaý merzimin belgilep berdi.
Jambyl oblysy
