Aımaqtar • 03 Mamyr, 2020

Túrkistan: Aýdan ortalyǵy Myrzakenttiń 12 myńǵa jýyq turǵyny qaýipsiz jerge kóshirildi

70 retkórsetildi

Kórshi О́zbekstandaǵy Sardoba sý qoımasynda bógettiń buzylý saldarynan Túrkistan oblysy Maqtaaral aýdanynyń 4 eldi mekenin sý basyp turǵyndary qaýipsiz aımaqqa kóshirilgen bolatyn. Sarqyndy sýdan aýdan ortalyǵy - Myrzakentke de qaýip tóngendikten keshe túngi saǵat 23:00-de 12 myńǵa jýyq turǵyn tolyq Atakent kentine kóshirildi.

Turǵyndardyń kóshýin qamtamasyz etý maqsatynda 68 avtobýs bólindi. Bir mezette shamamen 7-8 myń adam Atakent, Asyqata kentterine tasymaldandy. Sarqyndy sý Myrzakent kentiniń irgesine jaqyndap qalǵandyqtan arnaıy shtab kelisimimen halyqty kóshirý týraly sheshim qabyldanǵan. Barlyq áreket uıymdasqan túrde júrgizilip, Atakenttegi oqshaýlaý oryndaryna jetkizilgen turǵyndarǵa qajetti kómekter kórsetildi.  Eń aldymen oqshaýlaý oryndaryna barǵan turǵyndar esik aldyndaǵy medısına mamandarynyń arnaıy blok-postyna birtindep tirkelip, koronavırýs indetin anyqtaý qurylǵysymen dene temperatýrasy tekseristen ótkizilýde.  Sodan keıin ǵana oqshaýlaý oryndaryna jiberilgen. Tótenshe jaǵdaıǵa baılanysty aýdanda  18  evakýasııalyq oryndar naqtylanyp, olar Atakent, Maqtaral, Jambyl eldi mekenderinde ázirlendi. Apattan qutqarý jumystaryna 630 adam men 2 sý kóligi jáne 56 tehnıka jumyldyryldy.  Qaýipti aımaqtaǵy azamattar men úı janýarlaryn qaýipsiz jerge kóshirý sharalary uıymdastyryldy.  Bul jumystarǵa Keles, Jetisaı, Shardara, Saryaǵash aýdandarynyń ákimshilikteri atsalysýda.  

Desek te, aýdanda sý basyp qalý qaýpi bar aýyldar da áli de az emes. Solardyń biri - Jańaaýyl aýyldyq okrýgine qarasty Ferdoýsı eldi mekeni. Qazirgi tańda aýyl ortasyndaǵy «Ferdoýsı» jalpy orta mektebiniń aýmaǵyna sý kóterilgen. Budan bólek, zerdeleý, zertteý jumystarynyń nátıjesinde sý tasqyny kezinde Jańa jol men Eńbekshi  aýyldyq okrýgterindegi 3 eldi mekende 1682 gektar aýyl sharýashylyǵy daqyldary zardap shekeni anyqtalyp otyr.  Aldyn ala boljamdyq esep boıynsha 181,1 mln teńgeniń shyǵyny eseptelingen.   Atap aıtqanda, 1480 gektar maqta 148 mln teńgege,  42 gektar jońyshqa - 2,1 mln, 150 gektar baqsha - 30 mln, 10 gektar júgeri - 1 mln teńgelik shyǵynǵa usharady dep boljanýda. Sondaı-aq, atalǵan 4 eldi mekende 5335 mal basy tirkelip, onyń ishinde 799 mal zardap shekken, keltirilgen shyǵyn - 249 mln teńge. Veterınarlyq 61 dáriger Jantaqsaı, Ferdoýsı eldi mekenderindegi 3686 maldy evakýasııalaý jumystaryn tolyq aıaqtady. Alaıda sý basyp qalǵan aımaqtarda qansha maldyń sýǵa ketkenin anyqtaý ázirge múmkin bolmaı otyr. О́ıtkeni sý basqan aımaqqa kirý múmkin emes. Mamandardyń aıtýynsha, buzylǵan qoımadan kelip jatqan qashyrtpa sýdyń kólemi azaımaýda. Sol sebepti tótenshe jaǵdaı salasynyń mamandary sý basqan aýyldardaǵy sý deńgeıiniń kóterilgen, kóterilmegenine kóz jetkizý úshin tıisti zerdeleý jumystaryn júrgizýge kirisken.

R

Aıta ketelik, keshe túske deıin Maqtaaral aýdanynda oryn alǵan jaǵdaıǵa baılanysty 2243 azamat qaýipsiz aımaqqa kóshirilse, tústen keıin  sý basý qaýpi basym bolǵan   Nurlyjol men Ferdaýsı aýyldarynan 415 úıdiń 3200-den astam turǵyny qaýipsiz aımaqqa shyǵaryldy.

Sońǵy jańalyqtar

Qostanaı oblysynda joldar jóndeledi

Aımaqtar • Búgin, 18:07

Elbasy Baýyrjan Baıbekti qabyldady

Elbasy • Búgin, 17:57

Qazalyda 42 joba júzege asady

Aımaqtar • Búgin, 17:47

300 baspaǵa sýbsıdııa beriledi

Aımaqtar • Búgin, 17:37

«Baıqońyr» ǵarysh keshenine - 65 jyl

Aımaqtar • Búgin, 17:30

Qazaqstandyq ásker qatary tolyqty

Aımaqtar • Búgin, 16:57

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Uqsas jańalyqtar