Qala ákimi Beısekov, Bókeıhan jáne t. b. kóshelerde ornalasqan birqatar turǵyn úı keshenderin aralady.
«Qoljetimdi baspana salý - basym mindetterdiń biri. Memleket basshysynyń tapsyrmasyna sáıkes bıyl qoljetimdi turǵyn úı qurylysynyń kólemi ulǵaıady. Birinshi kezekte qoljetimdi baspana jeńildikpen páter alýǵa kezekte turǵan adamdarǵa beriledi.
Sizder, qurylys salýshylar retinde, úıdi sapaly salýyńyz kerek. Kezekte turǵandarǵa kiltterdi tabystaǵan kezde barlyǵy daıyn turýǵa tıis. Kemshilikter bar. Bir nysanda qurylys jumystary baıaý júrse, ekinshisinde tehnıkalyq, avtorlyq qadaǵalaý mamandarynyń pikiri eskerilmeı júrip jatady. Birneshe jyldan soń túsip qalatyn plıtalardy ne úshin qoldanasyzdar? Sapaly qurylys sala almaıdyndar, bul jumyspen aınalyspaýy kerek. Al qurylys jumystaryn bastaǵandar, jaýapkershilik tanytyp, tıisti deńgeıde salýǵa mindetti», - dedi qala ákimi Altaı Kólginov.
Qurylys salýshylarǵa barlyq kemshilikterdi túzetýge ýaqyt berildi. Erejebuzýshylyq faktileri anyqtalǵan jaǵdaıda, shart buzylady.
Jańa turǵyn úı keshenderi barlyq jaǵynan yńǵaıly bolýy kerek. Jańadan salynǵan úılerdiń birinshi qabattarynda emhana, balalarǵa arnalǵan shaǵyn ortalyqtar, ońaltý ortalyqtary, polısııa pýnkti sııaqty áleýmettik nysandar ornalasady.
