Qoǵam • 03 Mamyr, 2020

Nur-Sultanda aýlalardy abattandyrý jumystary júrgizilip jatyr

19 ret kórsetildi

Nur-Sultanda «Jumyspen qamtýdyń jol kartasy» baǵdarlamasy aıasynda aýlalar men úıishilik aýmaqtardy abattandyrý jumystary júrgizilip jatyr. Bıyl 150-ge jýyq aýla abattandyrylady. Bul týraly elorda ákimdiginiń baspasóz qyzmeti habarlady.

Qalanyń barlyq aýdandary qamtylady. Búgin qala ákimi Altaı Kólginov birqatar aýlalardy aralap, qala turǵyndarymen kezdesti.

«Aýlany jóndep ne abattandyrǵan kezdi sońǵy ret qashan kórgenimiz esimizde joq. Balalar oınaı almaıdy, barlyq trenajerler eski. Endi bizdiń aýlamyzda jańa balalar alańy bolady. Munda balalar fýtbol oınap, trenajerlarda sportmen shuǵyldana alady», - dep atap ótti Otyrar kóshesi, 3 (Baıqońyr aýdany) turǵyndary.

Sondaı-aq,qala ákimi Altaı Kólginov Kravsov, 6, Taha Hýseın 15a,15/3,15/4, Bókeıhan, 6 jáne t. b. meken-jaılardaǵy alańdarda júrgizilip jatqan jumystardyń barysymen tanysty.

«Aýlalardy durystap abattandyrý qajet. Munda balalar oınap, barlyq otbasy músheleri demalady. Balalardyń jasy ártúrli bolǵandyqtan, aýlalardy abattandyrý kezinde ony eskerý qajet. Oryndyqtar ornatyp, kógaldandyrýǵa erekshe kóńil bólý qajet. Aǵashtar men butalardy kóbirek otyrǵyzý kerek», - dedi qala ákimi Altaı Kólginov.

Bıyl 150 aýla jáne aýla aýmaqtary abattandyrylady. Bul degenimiz 150 myńnan astam turǵyny bar 250-den astam kóp páterli turǵyn úı kesheni. Byltyr 150 oıyn alańy abattandyryldy.

«Jumyspen qamtýdyń jol kartasy» baǵdarlamasy aıasynda 15 myń jumys orny ashylady. Turǵyndar birinshi kezekte jumyspen qamtý ortalyqtary arqyly jumysqa ornalasa alady.

Sońǵy jańalyqtar

Tilsiz jaý úsh adamnyń ómirin jalmady

Aımaqtar • Búgin, 13:46

12 tamyzǵa arnalǵan aýa raıy boljamy

Ekologııa • Búgin, 10:05

Jambyldyq tártip saqshylary donor boldy

Aımaqtar • Búgin, 09:30

Dollar baǵamy turaqtalyp keledi

Ekonomıka • Búgin, 09:10

Uqsas jańalyqtar