Aımaqtar • 03 Mamyr, 2020

Mańǵystaý: COVID-19-ben aýyrǵandardy emdegen dárigerler 850 myń teńgege deıin ústemaqy alýda

28 retkórsetildi

Mańǵystaý oblystyq qoǵamdyq kommýnıkasııalar ortalyǵynda «Áleýmettik medısınalyq saqtandyrý qory» KEAQ Mańǵystaý oblysy boıynsha dırektory R.Bektýbaev ÁMSQ epıdemııaǵa qarsy sharalarǵa qatysatyn medısınalyq uıymdardy qarjylandyrý týraly málimet berdi.

Buǵan deıin BAQ betterinde aıtylǵandaı, Densaýlyq saqtaý mınıstrligi epıdemııaǵa qarsy is-sharalarǵa qatysatyn medısınalyq qyzmetkerlerdi yntalandyrý týraly sheshim qabyldanǵan bolatyn. Qyzmetkerlerdiń jalaqysyna ústemeaqy belgileý erejeleri ázirlendi, onda táýekel toptary, alýshylardyń tizimder qalyptastyrý tártibi jáne tólemderdiń mólsherleri anyqtaldy.

Medısınalyq qyzmetkerlerge ústemeaqy táýekel toptaryna baılanysty tólenedi: 212,5 myń teńgeden (5 TJM) 850 myń teńgege deıin (20 TJM).

Ústemeaqy alýshylardyń tizimderin jedel shtabtarda qurylǵan aımaqtyq komıssııalar quraıdy. Komıssııa tóraǵasy ákim orynbasary sanalady. Komıssııalardyń quramyna densaýlyq saqtaý bólimderi,  óńirlik bas memlekettik sanıtarlyq dáriger, úkimettik emes uıymdardyń jáne t. b. ókilderi kiredi. Ústemaqy respýblıkalyq bıýdjet esebinen tólenedi. Tólemder komıssııalar usynǵan tizimderge sáıkes Qor arqyly beriledi.  

Bul másele úshin respýblıka boıynsha 35,7 mlrd teńge bólingen. Qor stasıonarlarmen kelisim-sharttar jasady. Elimizde naýryz aıy boıynsha 17,4 myńnan astam medısınalyq qyzmetkerge 3,3 mlrd teńgeden astam qarajat jiberildi.

Mańǵystaý obysy boıynsha 6 densaýlyq saqtaý mekemesi koronovırýstyq ınfeksııasyna qarsy sharalarǵa arnalǵan jumystarǵa qatysýda.

-Osy atalǵan 6 medısınalyq mekemeniń qyzmetkerlerine naýryz aıyna tıisti qarajat aýdaryldy. Qosymsha ústemaqyny 353 qyzmetker aldy, onyń 48-i dáriger,174-i orta medısınalyq qyzmetker,83-i kishi medısısnalyq qyzmetker jáne 48-i basqa da medısınalyq qyzmet kórsetkender, dedi «Áleýmettik medısınalyq saqtandyrý qory» KEAQ Mańǵystaý oblysy boıynsha dırektory R.Bektýbaev.

Qordyń qarjy operatory retindegi róli tek qarjylardy tóleý ǵana emes, «COVID-19 koronavırýsymen kúresý aıasynda epıdemııaǵa qarsy is-sharalarǵa qatysatyn densaýlyq saqtaý uıymdarynyń qyzmetkerlerin qarjylaı qoldaýdyń keıbir máseleleri týraly» Densaýlyq saqtaý mınıstriniń buıryǵyna berilgen málimetterdiń sáıkestigin tekserý da bolyp tabylady. Osyǵan oraı, Qor ústemaqy alýshylardyń tizimderin tekserý boıynsha úlken jumystar júrgizedi.

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Uqsas jańalyqtar