Aımaqtar • 03 Mamyr, 2020

Taraz qalasynda 200 adamǵa aýyzashar taratyldy

266 ret

kórsetildi

1 mın

oqý úshin

Áleýmettik jaǵynan az qamtylǵan otbasylarǵa kómektesý, muqtaj jandarǵa qoldaý kórsetý qaıyrymdylyqtyń negizgi qaǵıdattarynyń biri. Al, qasıetti Ramazan aıynda turǵyndarǵa kórsetilgen mundaı saýapty qoldaýdyń mańyzy tipti orasan. Osyndaı saýapty iske Taraz qalasynyń ákimi Aıtqazy Qarabalaev ta bastamashy bolyp, 200 azamatqa aýyzashar taratty.

Hamıt ESAMAN

Taraz qalasynda 200 adamǵa aýyzashar taratyldy

Qala ákimdigine qarasty áleýmettik baǵdarlamalar bóliminen shahardaǵy kómekke muqtaj turǵyndardyń tizimi alynyp, olarǵa arnaıy ázirlengen as máziri qala ákimdigi qyzmetkerleriniń jáne eriktilerdiń kómegimen úılerine jetkizilip berildi.

Sondaı-aq, Jambyl oblysynyń ákimi Berdibek Saparbaevtyń tapsyrmasymen búginde Taraz qalasynyń kóptegen aýmaǵynda birqatar qurylys jáne tazalyq jumystary belsendi júrgizilýde. Bul bastama eki myń jyldan astam tarıhy bar kóne shahardyń zamanaýı kelbetin arttyrýǵa óziniń úlesin qosatyny sózsiz. Osy oraıda Taraz qalasynyń ákimi sol jumystarǵa atsalysyp júrgen azamattardy aýqattandyrýdy da nazardan tys qaldyrmady. Aıta keteıik, Qazaqstan musylmandary dinı basqarmasy bıylǵy jyly elimizde koronavırýs indetine baılanysty tótenshe jaǵdaıdyń jarııalanýyna oraı, aýyzashardy tek turǵyndardyń úılerine jetkizý qyzmeti boıynsha ǵana uıymdastyrý týraly sheshim shyǵarǵan edi.

Jambyl oblysy