Sport • 03 Mamyr, 2020

Djokovıchtiń bastamasyn qoldamady

5 retkórsetildi

Osydan biraz ýaqyt buryn álemniń birinshi raketkasy, serbııalyq Novak Djokovıch ATR reıtınginde tómengi oryndarda turǵan tennısshilerdi qoldaý maqsatynda qaırymydylyq qoryn qurý jaıynda bastama kótergen edi.

Naqtylap aıtsaq, qazirgi kezde koronavırýske baılanysty sporttyq jarystardyń barlyǵy da toqtatylǵany belgili. Sonyń saldarynan kóptegen sportshylar qazirgi kezde materıaldyq turǵydan qıyn kezeńderdi basynan keshirýde. Tennısshilerdi qoldaý maqsatynda Serbııanyń saıypqyrany Novak Djokovıch jańa bastama kóterip, álemdik reıtıngte úzdik bestikte turǵan tennısshiler 30 000 dollardan, ozyq ondyqtyń qataryna engender 20 000 dollardan, 11-20 satylarǵa jaıǵasqandar 15 000 dollardan qaıyrymdylyq qoryna aýdarýǵa tıis edi. Onyń bul ıdeıasyn ataq-dańqtary alysqa jaıylǵan ıspanııalyq Rafael Nadal men shveısarııalyq Rodjer Federer tolyqtaı qoldady.

Desek te bul bastamaǵa qarsylyq bildirip jatqan sańlaqtar da bar. Solardyń biri – Lleıton Hıýıtt. Aýstralııanyń ataqty tennısshisi ondaı qadamǵa barýdyń esh qajeti joq dep esepteıdi. Jasyl qurlyq ókiliniń aıtýynsha, «TOP-100» oıynshynyń qataryna enip otyrǵandardyń ózderiniń de qazirgi kezde jaǵdaılary máz emes. Ol úzdikter tiziminde alǵashqy bestikte turǵan myqtylar joǵaryda kórsetilgen sommadan kóbirek qarjy berse de, qaltalary juqaryp qalmaıdy dep esepteıdi.

39 jastaǵy Lleıton Hıýıtt osydan tórt jyl buryn úlken sporttan qol úzgen. Kezinde ol AQSh-tyń ashyq birinshiligi men Ýımbldonda top jaryp, ATR týrnırlerinde 30 márte dara shyqqan. 2001 jyly Aýstralııanyń tennısshisi álemniń birinshi raketkasy atandy.   

Sońǵy jańalyqtar

Shymkenttik 2000 jas jumyspen qamtylady

Aımaqtar • Búgin, 14:01

Júzdegen turǵynǵa jumys tabyldy

Aımaqtar • Búgin, 12:44

Qaraǵandy: Tarıh taǵylymyna taǵzym

Aımaqtar • Búgin, 10:15

Ǵataýlın qalaı halyq jaýy boldy?

Tarıh • Búgin, 10:00

Aýylda sport kesheni salynýda

Aımaqtar • Búgin, 09:28

QHL qyrkúıekte bastalady

Sport • Búgin, 08:09

Resmı shara bir jylǵa shegerildi

Sport • Búgin, 08:04

Stadıonǵa barýǵa ruqsat

Sport • Búgin, 07:45

Dala folklorynyń antologııasy

Rýhanııat • Búgin, 07:23

Jyr-dastandar – jańa formatta

О́ner • Búgin, 07:20

Uqsas jańalyqtar