QAÝLY ETEMIN:
1.«Áskerı qyzmettiń belgilengen merzimin ótkergen merzimdi áskerı qyzmettegi áskerı qyzmetshilerdi zapasqa shyǵarý jáne Qazaqstan Respýblıkasynyń azamattaryn 2020 jyldyń naýryz – maýsymynda jáne qyrkúıek – jeltoqsanynda merzimdi áskerı qyzmetke kezekti shaqyrý týraly» Qazaqstan Respýblıkasy Prezıdentiniń 2020 jylǵy 12 aqpandaǵy № 266 Jarlyǵyna (Qazaqstan Respýblıkasynyń PÚAJ-y, 2020 j., № 7-8, 35-qujat) mynadaı ózgerister engizilsin:
Taqyryby mynadaı redaksııada jazylsyn:
«Áskerı qyzmettiń belgilengen merzimin ótkergen merzimdi áskerı qyzmettegi áskerı qyzmetshilerdi 2020 jyldyń naýryz – maýsymynda jáne qyrkúıek – jeltoqsanynda zapasqa shyǵarý, sondaı-aq Qazaqstan Respýblıkasynyń azamattaryn 2020 jyldyń naýryz – tamyzynda jáne qyrkúıek – jeltoqsanynda merzimdi áskerı qyzmetke kezekti shaqyrý týraly»;
2 jáne 3-tarmaqtar mynadaı redaksııada jazylsyn:
«2. Áskerge shaqyrýdy keıinge qaldyrýǵa nemese odan bosatylýǵa quqyǵy joq on segiz jastan jıyrma jeti jasqa deıingi er azamattar 2020 jyldyń naýryz – tamyzynda jáne qyrkúıek – jeltoqsanynda Qazaqstan Respýblıkasynyń Qarýly Kúshterine, Qazaqstan Respýblıkasynyń Ishki ister mınıstrligine, Qazaqstan Respýblıkasynyń Ulttyq qaýipsizdik komıtetine, Qazaqstan Respýblıkasynyń Memlekettik kúzet qyzmetine merzimdi áskerı qyzmetke shaqyrylsyn.
3. Jergilikti atqarýshy organdar tıisti jergilikti áskerı basqarý organdary arqyly 2020 jyldyń naýryz – tamyzynda jáne qyrkúıek – jeltoqsanynda azamattardy merzimdi áskerı qyzmetke shaqyrýdy júrgizýdi uıymdastyrsyn jáne qamtamasyz etsin.».
2.Osy Jarlyq alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń
Prezıdenti Q.Toqaev
Nur-Sultan, Aqorda, 2020 jylǵy 30 sáýir
№ 312
