Oppozısııa men quqyq qorǵaýshylardyń shaqyrýyna qaramastan, Polsha úkimeti koronavırýs pandemııasy jaǵdaıynda 10 mamyrda poshta arqyly ótýi tıis prezıdenttik saılaýdyń daýys berý kúnin aýystyrýdan bas tartty. Baqylaýshylar qazirgi Prezıdent Andjeı Dýdqa saılaýshylardyń 60% - ǵa jýyǵy qoldaýǵa daıyn ekenin atap ótti. Memleket basshysy laýazymyna alty kandıdat úmitker.
«Quqyq jáne Ádilettik» basqarýshy partııasynyń kóshbasshysy Iаroslav Kachınskııdiń tapsyrmasy boıynsha daıyndalǵan poshta arqyly saılaý ótkizý rásimin Polsha seımi sáýir aıynyń basynda maquldady. Jaqyn kúnderi qashyqtan daýys berý týraly zań jobasyn senat qaraýy tıis. Polshanyń Premer-mınıstri Mateýsh Moraveskıı syrttaı saılaý qaýipsiz ekenin málimdep, senatorlardy bul usynysty qoldaýǵa shaqyrdy.
Poshta arqyly daýys berýge eldiń burynǵy prezıdentteri men premerleri qarsy ekenin aıtýda. Eýrokomıssııa Polshada saılaýdyń erkin jáne adal ótetinin kútetindigin atap ótti.
«Eger men Polshanyń azamaty bolsam, onda meniń suraqtarym kóp bolar edi. Sebebi, men ádiletti túrde daýys berýge qol jetkizgim keledi. Kandıdattar saılaý aldyndaǵy naýqandy qolaıly ýaqytta ótkizgenin qalaıtyn edim»,- dedi Eýrokomıssııa basshysynyń orynbasary Vera Ioýrova.
Sondaı-aq sońǵy áleýmettik saýalnama málimetteri boıynsha, 10 mamyrda saılaý ótkizilgen jaǵdaıda halyqtyń 30% - dan kemi daýys berýge jınalady.
