Aımaqtar • 04 Mamyr, 2020

Nur-Sultanda «Jaýjúrek polki» aksııasy jańa formatta ótedi

10 retkórsetildi

Feısbýk jáne Instagram áleýmettik jelisinde ótetin arnaıy chellendjge qatysyp, soǵys ardagerlerin eske alyp, qurmet kórsetýge bolady, dep habarlaıdy elorda ákimdiginiń resmı saıty.

Bıyl karantınge baılanysty kópshilik jınalýǵa bolmaıtyndyqtan, Nur Sultanda «Jeńis kúni» merekesi onlaın atap ótiledi. Sońǵy jyldary Uly Otan soǵysy ardagerleriniń urpaqtary batyrlardyń portretin ustap sherýge shyǵatyn «Jaýjúrek polki» sharasynyń da formaty ózgerdi. Endi aksııa áleýmettik jeli arqyly jańa formatta jalǵasatyn bolady.

«Áleýmettik jeli paıdalanýshylary (Feısbýk áleýmettik jelisinde) ekinshi dúnıejúzilik soǵystyń 75 jyldyǵyna arnalǵan logotıpi bar daıyn ramkany qoldana alady. Áleýmettik jelidegi profıldiń negizgi sýretin (avataryn) bezendirý úshin júktep alýǵa bolady», – deıdi «Jaýjúrek polk» aksııasynyń Nur-Sultandaǵy úılestirýshisi Aıda Baımaqova.

Qatysýshylar Jeńistiń 75 jyldyǵyna oraı arnaıy jasalǵan maskany ornatýy kerek (Facebook-tegi jeke paraqsha - Negizgi fotosýretti shertý- ramkany qosý - NS Jenis75 maskasyn tabý - Ornatý). Maıdanda qaıtys bolǵan nemese soǵysy kezinde ómirden ótken týysqandary týraly málimetter, ardager týraly foto nemese vıdeo habarlamany júkteý qajet.

Barlyq aqparat  #Jaýjrekpolkonlaın #Nur-Sultan #Úıdebol #2020 heshtegterimen jarııalanatyn bolady. Chellendj birinshi bolyp elorda ákimdiginiń resmı saıtynda (astana.gov.kz) jarııalanady. Keıin barlyq materıaldar «Astanadaǵy 24/7» feısbýk paraqshasynda shyǵatyn bolady. «Jaýjúrek polk – 2020» onlaın-chellendjiniń negizgi qaǵıdasy – sharaǵa erikti túrde qatysý jáne ony saıası PR úshin paıdalanýǵa jol bermeý. Aksııanyń maqsaty – ardagerlerdi óz urpaǵy umytpaı eske alý, otbasylyq qundylyqtardy saqtaý. Osyǵan baılanysty el basshylary men kóshbasshylarynyń (tarıhı tulǵalar týystary bolmasa) portretterin, sondaı-aq aksııanyń maqsattaryna qatysy joq basqa tulǵalardyń portretterin paıdalaný orynsyz.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Uqsas jańalyqtar