Ákimniń pikirinshe, endi qurylys nysandardyń sapasy men qaýipsizdigine, jobalaý-smetalyq qujattama daıyndaý kezindegi buzýshylyqtarǵa nazar aýdarylady. О́ıtkeni, mundaı kemshilikter oryn alsa, qurylysty júrgizý merzimi sozylady. Tipti bastapqy josparlardy ózgertýge týra keledi.
Oblystyq qurylys basqarmasynyń basshysy Málik Amanovtyń málimetine súıensek, qazir óńirde 62 nysannyń qurylysy júrgizilip jatyr. Sondaı-aq 44 nysannyń jobalaý-smetalyq qujattamasy jasalypty. Bıylǵy birinshi toqsanda mádenıet úıi, balabaqsha, oqýshylar men jastar saraıy, jataqhana sekildi toǵyz nysan paıdalanýǵa berildi. Endi ekinshi toqsanda segiz nysannyń qurylysyn aıaqtaý josparlanyp otyr.
–Nysandar ýaqytyly tapsyrylýy tıis. Salynǵan nysandardyń sapasyna kóńil bólinýi kerek. Eshqandaı syn kótermeıtinderi bar. Bári emes árıne, biraq, mundaı derekterdiń bary ras. Atyraý qalasy men aýdandardyń ákimderine áleýmettik nysandardyń qurylysyn baqylaýdy tapsyramyn,- dedi oblys ákimi Mahambet Dosmuhambetov.
