Aımaqtar • 04 Mamyr, 2020

Ońtústik óńirdegi birqatar áskerı nysandar tekserildi

11 retkórsetildi

Qarýly Kúshterdiń aldynda koronavırýstyq ınfeksııamen kúresten basqa kóptegen basqa da kezek kúttirmeıtin mindetter tur. Atap aıtqanda, bul jaýyngerlik daıyndyq pen qorǵanys qabilettiliginiń qajetti deńgeıin ustap turý, Arys qalasyndaǵy tótenshe jaǵdaı saldaryn joıý jónindegi jumystardy jalǵastyrý.

Búgingi tańda qurama jasaqpen Arys qalasynda aýdany 100 myń sharshy metrden astam jer zertteldi. Qoımalardyń mańyndaǵy oq-dári fragmentterin izdeýdi ınjenerlik barlaýdyń izdeý toptary júzege asyrady. Tabylǵan fragmentterdiń basym bóligi qaýipti emes. Metall synyqtaryn tazalaý, suryptaý jáne arnaıy jabdyqtalǵan alańǵa shyǵarý júrgizilýde. Untaqtaý toptary tehnıkalyq aýmaqta tazartýdy júrgizedi.

Jergilikti turǵyndardyń ótinishterin qabyldaý úshin mobıldik top kezekshilik etedi. Budan basqa, tehnıkalyq aýmaqta ınjenerlik oq-dárilerdi túgendeý jáne ashyq alańda suryptaý jalǵasýda. Arysta barlyq áskerı ınjenerler men saperler, basqa da áskerı mamandyqtardyń ókilderi boldy. Bir jyl ishinde jarylys qaýpi bar zattarmen jumys isteý boıynsha bilikti kadrlar oqytylyp, daıarlandy. Injenerlik-saperlik bólimshelerdiń áskerı qyzmetshileri jarylys qaýpi bar metall synyqtaryn jáne jarylmaǵan pıropatrondar men kapsıýlderdi óńdeý boıynsha jeke tásil ázirlep, qoldana bastady.

Arys qalasyndaǵy jıyntyq otrıadtyń jumysyna Qorǵanys mınıstri Nurlan Ermekbaev kezekti tekseris júrgizdi. Rotasııa jospary boıynsha kelgen jeke qurammen kezdesý kezinde ol qaýipsizdik sharalaryn qatań saqtaý qajettigin atap ótti.

Sonymen qatar, Shymkent mańyndaǵy áýe shabýylyna qarsy qorǵanys áskerı bólimin jáne eldiń áýe shepterine eldiń qaýipsizdigin qorǵaý jónindegi mindetterdi oryndaıtyn bólimshelerdiń qyzmetin tekserdi.

Almatyda Desanttyq-shabýyldaý áskerleriniń qolbasshysy áskerı qyzmetshilerdiń tótenshe jaǵdaı rejımin qamtamasyz etýge qatysýy týraly baıandady. Almaty garnızonynyń áskerı qyzmetshileri koronavırýstyń taralýyna qarsy is-qımyl jónindegi barlyq is-sharalarǵa belsendi qatysýda. Kún saıyn olar ondaǵan nysandardy jáne oǵan irgeles aýmaqtardy óńdeıdi, onyń ishinde temir jol vokzalyna dezınfeksııa júrgizedi. Qalaǵa kire beristerde qoıylǵan blokbeketterde táýlik boıy kezekshilik atqaryp, patrýldeýge qatysady.

Mınıstr Almatydan 30 shaqyrym jerde ornalasqan medısınalyq keshenge bardy. Oǵan 300 oryndy kúrdeli ǵımarat, 100 oryndy áskerı-dalalyq utqyr gospıtal jáne 500 oryndy palatalyq gospıtal kiredi. 

Aıta ketý kerek, qazirgi tańda jeke ǵımaratta, aýrýhanalardyń birinde medısınalyq qyzmetkerlerdi ornalastyrý úshin jaǵdaı jasalǵan. 70 dáriger men medbıkeden turatyn brıgada ornalasqan. Olar úshin qajetti jaǵdaı jasalyp, úsh ret tamaqtaný uıymdastyrylǵan. Dalalyq jáne palatalyq gospıtaldarda koronavırýsy bar pasıentterdi dıagnostıkalaý jáne emdeý úshin qajetti jabdyqtar bar, obektilerge ınjenerlik kommýnıkasııalar júrgizilgen, obektiler táýlik boıy kúzetilýde.

Kezdesý barysynda mınıstr barlyq áskerı qyzmetshilerdi kele jatqan Otan qorǵaýshylar jáne Jeńis kúnimen quttyqtady.

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar