Alaıda vırýstyń taralý qaýpine baılanysty Halyqqa qyzmet kórsetý ortalyqtarynyń jumys tártibin ózgertý týraly sheshim qabyldandy.
О́zgerister HQKO-da kórsetiletin memlekettik qyzmet túrlerin, olardy usyný formatyn da qamtıdy.
Endi qazaqstandyqtar HQKO-da elektrondy formatta qoljetimsiz, tek «qaǵaz» júzinde kórsetiletin qyzmetter men egov.kz arqyly rásimdelgen ótinishterdiń nátıjesin ala alady. HQKO-ǵa barý úshin 1414 baılanys ortalyǵy nemese nemese egov.kz saıtyndaǵy arnaıy servıs arqyly kezek ýaqytyn aldyna ala brondaý qajet bolady. Bul azamattardyń ortalyqtarda kóptep jınalýyn boldyrmaıdy jáne vırýsty juqtyrý qaýpin joıady, osy rette qyzmet alýshylar da óz ýaqytyn únemdeıdi. Aldyn ala brondaýsyz esh qyzmet kórsetilmeıdi.
Azamattar elektrondy formatqa aýdarylǵan jáne egov.kz portalynda qoljetimdi barlyq memlekettik qyzmettiń 80%-dan astamyn tek ózdiginen nemese burynǵydaı HQO ǵımarattarynda emes, ákimdikter janyndaǵy keńselerde, oqý oryndarynda, medısınalyq uıymdarda jáne t.b. jerde ornalastyrylatyn ózine-ózi qyzmet kórsetý sektorlarynda ala alady.
Onlaın qyzmetterdi jyldam ári yńǵaıly alý úshin azamattar 1414 nómirine habarlasa alady, onda HQO operatorlary keńes beretin bolady.
Aıta ketý kerek, karantın jarııalanǵaly beri qazaqstandyqtar egov.kz elektrondy úkimet portaly, telegramdaǵy eGovKzBot2.0 boty jáne eGovMobile mobıldik qosymshasy arqyly óz betinshe onlaın túrde 10.5 mıllıonnan astam memlekettik qyzmetti alǵan.
