Aımaqtar • 04 Mamyr, 2020

Tosqaýyl beketi Qamaı ataıdyń qamqorlyǵynda

42 retkórsetildi

Qostanaı oblysynyń Jangeldi aýdanyna qarasty Toqanaı aýylynda turatyn zeınetker Qamaı Qaparovtyń qaıyrymdy isi kópke ónege.

Bes baladan 12 nemere súıip otyrǵan qarııa jetpisti eńserse de, qartaıdym dep qarap otyrǵan joq. Kún saıyn aýyldan 90 shaqyrym qashyq ornalasqan tosqaýyl beketine qatynap, kúzette turǵan tártip saqshylaryna as-sý tasıdy. As-sý bolǵanda, az-maz et qosyp, maıǵa buqtyrǵan makaron sııaqty qalanyń taqyl-tuqyl taǵamy emes. Babyna keltirip turyp asqan byltyrdan qalǵan soǵymnyń súr eti, mamyrdyń sary ýyz maıy men jumsaq qymyzy, aıran, qıyqsha nan, qurt, irimshik sııaqty tolyp jatqan jeńsik as.  Qysqasy kádimgi maldy aýyldyń ádettegi asy.

Polıseılerdiń jumysy aýyr ekenin bilemin. Kúni-túni bel jazbaı beket kúzetedi. Olarǵa qoldan kelgenshe kómek kórsetý paryzymyz bolǵan soń, osylaı kún saıyn kelip, qal-jaǵdaılaryn surap, amandyqtaryn bilip turamyn. Endi osyndaı qıyn kezeńde bir-birimizdi súıemesek, bolmaıdy ǵoı. 12 nemeremniń ishindegi Farhatym polısııada jumys isteıdi, qazir kapıtan boldy.  Arqalyq qalasynda jedel ýákil bolyp qyzmet atqarady. Bári de óz balam ǵoı, - deıdi qarııa.

Jalpy aımaqta karantın bastalǵaly turǵyndardyń polısııaǵa degen kózqarasy  ózgergenin tártip saqshylarynyń ózderi de aıtyp otyr. Osy qysqa merzim ishinde turǵyndar tarapynan polıseılerge qoldaý kórsetý sharalary jıilep, oblysta 15 shaqty aýqymdy qaıyrymdylyq aksııasy  ótken.

«Turǵyndar kóbine azyq-túlik pen betperde, antıseptık sııaqty qorǵanysh quraldaryn ákelip berip jatyr. Endi ózimizde bári jetkilikti bolsa da, shynaıy yqylas-peıilmen kelip turǵan soń, qolyn qaıtara almaımyz. Alǵysymyzdy aıtyp, razylyǵymyzdy bildiremiz. Jalpy, búgingi jaǵdaı bárimizdi judyryqtaı jumyldyryp, bir-birimizge jaqyndastyra tústi. Jaǵdaıynyń jutańdyǵyna qaramaı, úıindegi bar jyly-jumsaǵyn aýzyńa tosqan qarapaıym jandardy kórgende eriksiz tolqyp ketemiz» - deıdi tártip saqshylary.   

 

Qostanaı oblysy

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar