Prezıdenttiń usynysy boıynsha senatorlar jasyryn daýys berý arqyly Máýlen Áshimbaevty Parlament Senatynyń Tóraǵasy etip bir aýyzdan saılady.
M.Áshimbaev Prezıdentke jáne senatorlarǵa joǵary senim kórsetkeni úshin rızashylyǵyn bildirdi.
– Prezıdentimiz elimizdiń aldynda turǵan maqsattarǵa jan-jaqty toqtalyp ketti. Qazirgi ýaqyttaǵy eń ózekti másele, ol árıne, pandemııamen – búkil álemge taraǵan osy indetpen kúresti jalǵastyrý. Memleket basshysy atap ótkendeı, barlyq memlekettik organdardyń basty mindeti tótenshe jaǵdaı rejımi aıaqtalǵannan keıin Elbasymyzdyń saıasatynyń sabaqtastyǵyn saqtap, memleketimizdi, ekonomıkany odan ári damytýǵa, elimizdiń ál-aýqatyn arttyrýǵa baǵyttalǵan Prezıdentimizdiń strategııasyn iske asyrý bolyp tabylady. Qazaqstan Parlamenti Senaty Memleket basshysynyń saıasatyn zańnamalyq turǵyda sapaly qamtamasyz etý úshin qajetti barlyq sharany júzege asyrylady, – dedi Máýlen Áshimbaev.
