Qazaqstan • 04 Mamyr, 2020

«Qazaqfılmniń» mamyr merekelerine daıyndaǵan kádesi

20 retkórsetildi

Mamyrdyń mamyrajaı kúnderimen birge el úshin erekshe jaǵdaıda – karantın rejıminde atalyp ótetin birqatar merekeler kele jatyr. Olardyń qatarynda  Otan qorǵaýshylar kúni (7 mamyr) men Uly Jeńis kúni (9 mamyr)  merekesi de bar.

Osyǵan oraı, merekelik demalystaǵy ýaqytty mándi ótkizý maqsatynda «Qazaqfılm» kınostýdııasynyń ulttyq telearnalardyń kórermenderi men YouTube qoldanýshylaryna daıyndaǵan kádesi bar. Respýblıkalyq «Habar», «El Arna», «Kazakh TV» jáne «KTK» arnalary kazaq kınosynyń klassıkasymen qatar jańa fılmderdiń kórsetilimin jasaıdy.

Sondaı-aq, mereke kúnderi telearnalarda kórermen qaýym halyqtar dostyǵy, qazaqstandyq jaýyngerlerdiń erligi men Uly Otan soǵysy týraly fılmderdi kóre alady. Bul kúnderi «28 panfılovshylar» (rej: Andreı Shalopa, Kım Drýjının, 2016 j.), «Kompozıtor» (rej: Sherzat Iаkýb, Sábıt Qurmanbekov, ómirbaıandyq drama, 2019 j.), «Álııa» (rej: B. Shámshıev, 1985 j.), sonymen qatar  «Qazaqstannyń túrki halqy» sıklynan «Tústiń dámi» (rej: K. Ábeldınova, 2018 j.) jáne «Jip» (rej: N.Sadýova, 2018 j.) syndy basqa da qyzyqty fılmderdi tamashalaýǵa múmkindik alady. 

Aıta ketsek, jaqynda «Qazaqfılm» óziniń YouTube-tegi resmı arnasynda Uly Otan soǵysy týraly fılmder toptamasyn ashyq kórsetilimge shyǵardy. Endi «Uly Jeńistiń 75 jyldyǵy» pleılıstinde Májıt Begalın, Abdolla Qarsaqbaev, Oraz Ábishev, Nurmuhan Jantórın syndy klassıkterimizben qatar taǵy da basqa 21 fılm bar. Pleılıst tizimi bolashaqta tolyqtyrylyp otyrady.

Sondaı-aq, kınostýdııanyń YouTube arnasynan «Qazaqstan - bizdiń ortaq shańyraǵymyz» anımasııalyq fılmderiniń toptamasy men HH ǵasyrdyń otyzynshy jyldarynda bolǵan Qazaqstanǵa jappaı jer aýdarǵandar týraly baıandaıtyn «Jeruıyq» (rej. S.Táýekel, 2011) fılmin tamashalaýǵa bolady.

2020 jyldyń 7 mamyrynda «Qazaqfılm» kınostýdııasynyń YouTube-arnasynda rejısser Satybaldy Tekeevtiń «General Ertaev» derekti fılmi jáne rejısser Egor Konchalovskııdiń reseılik teledıdarshylar men qazaqstandyq kınematografıster tobynyń Almatydan Aýǵanstanǵa derekti fılm jasaý maqsatynda saıahaty týraly baıandaıtyn «A-ǵa oralý» kórkem fılmi kórsetilimge shyǵady. Sondaı-aq osy arnada rejısser Láılá Aranyshevanyń «Desant» fılmin kórýge bolady.

8 mamyr kúni qazaq kınosynyń korıfeıi, KSRO halyq artısi Asanáli Áshimovtiń týǵan kúnine oraı otandyq telearnalarda «Asanáli Áshimov. Syr tunǵan aısberg» («El Arna») jáne «Árýaq» (Kazakh TV) kórkem fılmi kórsetiledi. Osy kúni «Qazaqfılmniń» YouTube-arnasynda qazaq jáne orys tilderinde akterdiń ómiri men shyǵarmashylyq joly týraly «Sharaına – shyndyq sheberi» derekti fılmi shyǵady.

2020 jyldyń 8 mamyr kúni saǵat 15:00-de www.sputniknews.kz  saıtynda «Núrken Ábdirov. Uldarymnyń kenjesi» derekti fılminiń onlaın-tusaýkeseri bolady. Aty ańyzǵa aınalǵan ushqyshtyń erligi týraly baıandaıtyn kınotýyndy jas urpaq úshin batyldyq pen shabyt kózi bolyp tabylatyny sózsiz. 10 mamyr kúni saǵat 19:10-da «El Arna» telearnasynda derekti fılmniń televızııalyq premerasy bolady.

Uly Jeńis kúni – 9 mamyrda saǵat 10:00-de «Qazaqfılm» kınostýdııasynyń resmı youtube-arnasynda rejısser Áset Ernazarovtyń «Men oralamyn» derekti kartınasynyń onlaın-tusaýkeseri ótedi.

«Men oralamyn» derekti fılmin 9 mamyr kúni «El Arna» telearnasynan astana ýaqytymen saǵat 13:35-te, sondaı-aq 10 mamyr kúni saǵat 00:05-te kórýge bolady.

 

 

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar