Sondaı erekshe jaǵdaıdyń biri 5-6 jastaǵy bala kezimde oryn alǵany esime túsip otyr. Bul sonaý alpysynshy jyldardyń bas kezi edi. Keńestik kezeńde balalar nemister men keńestikter bolyp ekige jarylyp «soǵysyp» oınaǵandy jaqsy kóretin buǵan sol kezdegi qyzyl ıdeologııanyń áseri, eshkimnen jeńilmeıtin keńes armııasyn madaqtaǵan fılmder de áser etkeni kámil. Bul soǵys oıyny aýyl shetindegi mal qamaıtyn G árpi pishindes uzyn baz-qoranyń ishinde júrgizildi. Mezgil jazdyń bel ortasy. Kún óte ystyq. Kóleńke qýyp barǵan jerimiz baz boldy. Oıynnyń sharty men tártibi boıynsha «tutqynǵa» túsip qaldym. Sodan soń qarsy jaqtastar aıaq-qolymdy baǵanaǵa muqııat baılap tastady. Jaýap alyp jatyr, syr beretin emespin. Sóıtip turǵanda qoranyń órtenip jatqanyn kórdik. Ony kórip shoshyp ketken bala-dostarym meni bosatýdy eskermesten bazdyń ashyq turǵan terezesinen sekirip shyǵyp ketti. О́ıtkeni biz kelgende onyń esigi kiltteýli turǵan-dy. Qoranyń ishine aýyl turǵyndary jylqylaryn qamap ketken eken. Janýarlar shyńǵyryp, kisinep ersili-qarsyly shapqylap júr órt kúsheıe tústi. Qoranyń tóbesi shóp pen aǵashtan jabylǵan-dy. Bul óte tez janyp órtenetin materıaldar. Satyrlap janyp jatyr. Bazdyń ishi kók tútinge tolyp ketti. Bir kezde qoranyń ishine kórshi turatyn Qadısha sheshemizdiń aıqaı salyp kirip kele jatqanyn baıqadym. Meni kórip: baıǵus bala-aı dep júrip aıaq-qolymdy sheship, dalaǵa súıretip alyp shyqty.
Ol kisi mal qoranyń órtenip janyp jatqanyn kórip, qamap ketken jylqylaryn aıdap shyǵýǵa kelgenin keıin bildim. Alaıda bul oıyn oryndaı almady. Esik ashylsa da janýarlar ári soqtyǵyp, beri soqtyǵyp, shyńǵyryp janyp ketti. О́ıtkeni satyrlap jatqan tóbe opyrylyp, tómenge qulaǵan-dy. Sirá, G pishindes baz janýarlardyń sory bolǵan sekildi. Burylýdy bilmeıdi, tek tike shaýyp qabyrǵaǵa soqtyǵady. Oıynnan órt shyǵady degen osy boldy. Bul órt neden paıda boldy, 5-6 jastaǵy bala-dostarymnan ba, joq, álde kúnniń óte ystyǵynan paıda bolǵan ushqyn shoq pa? Bul jaǵdaı áli kúnge deıin belgisiz kúıinde qalyp qoıdy.
О́mirdiń synı sátteri men aıaq astynan qaýip-qaterge keziktirer kezderi de az emes. Búgin sonyń bir mysaly jóninde aıtyp otyrmyn. Bir ókinishtisi ony eshkim aldyn-ala boljap bile almaıdy. Tek tatar dám-tuz taýsylmasyn deńiz. Dám taýsylsa kóldeneń jaǵdaıdan da, haq dep eseptelgen ólimnen de eshkimniń qashyp, qutyla almasy anyq. Mine, bala kezimde oryn alǵan oqıǵanyń biri osyndaı edi.
