Aýdanda tótenshe jaǵdaı oryn alǵan alǵashqy kúnnen Shymkent qalasynan arnaıy tehnıkalar kómekke jiberile bastaǵan bolatyn.
Shymkent qalasy ákiminiń orynbasary Almasbek Mamytbekovtyń málimdeýinshe, sý tasqynynan zardap tartyp otyrǵan aýdanǵa kómek munymen toqtamaıdy jáne shahardan jiberilip jatqan kómek Maqtaaral aýdany ákiminiń usynysyna sáıkes qarastyrylýda.
– Qazir Maqtaaral aýdanynyń turǵyndaryn evakýasııalaý maqsatynda Shymkent qalasy tarapynan jiberilgen 10 arnaıy tehnıka jumys isteýde. Búgin aýdanǵa kómekke attanǵan 30 arnaıy kólik te avarııalyq-qutqarý jumystaryna jumyldyrylady, - dedi Almasbek Keńesbekuly.
Aıta keteıik, kúni keshe Maqtaaral aýdanynda avarııalyq-qutqarý jumystaryn júrgizý úshin Shymkent qalasy TJ departamentiniń «О́rt sóndirý jáne avarııalyq-qutqarý jumystary qyzmeti» memlekettik mekemesiniń jeke quramynan 12 adam jáne 4 tehnıka, 2 sý quraly, 4 motopompa, sondaı-aq atalǵan mekemege tıesili Shardara qalasynda ornalasqan jedel-qutqarý jasaǵynyń 5 qyzmetkeri men 1 tehnıkasy, 2 sý quraly tez arada kómekke attanǵan bolatyn.
Sondaı-aq oqıǵa ornynda Shymkent qalasynyń TJD О́rt sóndirý jáne avarııalyq-qutqarý jumystary qyzmetiniń komandalyq-shtabtyq avtokóligi de jumyldyrylǵan.
Shymkent
