Ýaqyt talabyna saı, tótenshe jaǵdaı kezeńinde shymkenttik oqýshylar qashyqtan oqytýdyń ótken aptasynda da ınternet jelisin paıdalanýda aldyńǵy qatardan kórinýde.
«Zoom», «Google class», «Edu page» baǵdarlamalary kómegimen de sabaq oqıtyn oqýshylar sany artyp keledi. Búginde Shymkenttegi 213 bilim berý uıymy (mektepter, kolledjder, JOO) tolyǵymen qashyqtan oqytý formatyna kóshken.
Qaladaǵy 172 mektepte oqıtyn 222 myńnan astam oqýshylardyń 96,7 paıyzy túrli elektrondy qurylǵylarmen (kompıýter, noýtbýk, planshet, smartfon) qamtylsa, 3,3 paıyzy (nemese 7424-si) telearna arqyly bilim alýda. Sondaı-aq áleýmettik turǵyda az qamtylǵan otbasylarǵa mektepterdegi 10192 kompıýter ýaqytsha berildi.
Qashyqtan oqytý júıesiniń úshinshi aptasynda qalamyz boıynsha 100 oqýshy úzdik dep tanyldy. Olar № 28, 65, 25, 49, 7, 72, 35, Daryn-1, №77, 9, 48, 52, 15, 77, 23, 103, 77, 132, 99, 51, 68, 120, 31, 24, 133-shi mekteptiń oqýshylary «Daryn.online» platformasyn paıdalanyp, bilim alýda basyp ozdy.
Sonymen qatar «Bilimland.kz» platformasyndaǵy «Onlaın mektep» jańa modýli boıynsha Shymkent qalasynda úzdik jumys istegen 11 mektepti erekshe aıta ketken jón. Olar №9, 16, 28, 24, 41, 30, 59, 65, 36, 23, 50 mektep oqýshylary sabaq qaralymyn jasap, berilgen tapsyrmalardy júıeli oryndaǵan.
Shymkentegi Joǵarǵy oqý oryndary men tehnıkalyq jáne kásiptik bilim berý uıymdarynyń stýdentteri de qashyqtan oqyp jatyr.
Shymkent
