-Aqtóbe ferro qorytpa zaýytynda buryn sońdy mundaı aýqymdy jumystardy óz kúshimizben oryndap kórmegen edik. Biraq tótenshe jaǵdaı sharttary bizge erekshe syn boldy. Bastapqyda biz belgilegen merzimge eshkim senbedi. Jumysty oryndaý úshin biz buryn osyndaı tájirıbe jınaqtaǵan Aqsý qalasyndaǵy fılıalymyzdan jóndeý qyzmeti mamandaryn shaqyrttyq. О́ńir bashsysynyń qoldaýynyń arqasynda olar Aqtóbege kiretin blok beketterden esh kedergesiz ótti. Bul bizge mańyzdy jobanyń ýaqytynda júzege asyrýǵa múmkindik berdi dedi egemen.kz tilshisine KazHrom TUK AQ Prezıdenti Arman Esenjolov.
Nátıjesinde jóndeý jumystaryn álemdik kompanııanyń talap etken merziminen buryn, ıaǵnı 65 táýilikke josparlanǵan jumystar 54 táýilikte aıaqtaldy. Joba quny 7 mıllıard teńgeden asyp túsedi.
Búgingi tańda zaýytta jumystyń elesi kezeńi – amerıkalyq «HotWork» kompanııasy júzege asyratyn peshti qyzdyrý jumysy bastaldy. Kúrdeli jóndeýge deıin №43 pesh 40-50 megavat qýatpen jumys istedi. Aýqymdy jumystardyń tııanaqty iske asýynyń nátıjesinde pesh qýatyn 2020 jyldyń ekinshi jarty jyldyǵynda 65-70 megavatqa deıin jetkizýge múmkindik týyp otyr.
