Sport • 04 Mamyr, 2020

Fýtbol: Qazaqstanda alǵashqy komanda jattyǵýdy bastady

34 retkórsetildi

Fýtboldan Qazaqstannyń Birinshi lıgasynda óner kórsetetin «Aqtóbe» klýby elimizde karantındik talaptar jeńildetile bastaǵan soń qazaqstandyq komandalardan birinshi bolyp jattyǵý jıynyn bastady. Bul týraly klýbtyń resmı saıty málimdedi.

Sáýir aıynyń sońynda elimizdegi Tótenshe jaǵdaıdy qamtamasyz etý jónindegi Memlekettik komıssııanyń shuǵyl shtaby 4 mamyrdan bastap dalada sportpen shuǵyldanyp, jattyǵý jasaýǵa ruqsat bergen bolatyn. Osylaısha «Aqtóbe» klýby Qazaqstannyń kásipqoı fýtbol lıgasy basshylyǵymen kelise otyryp, jattyǵý jumystaryn bastady.

Komandanyń alǵashqy jattyǵýy búgin Aqtóbedegi Qobylandy batyr atyndaǵy ortalyq stadıonda ótedi. Karantınge baılanysty elimizde fýtbol maýsymynyń úzilisi bir jarym aıǵa sozyldy. Búginnen bastap ózge komandalar da jattyǵý jıynyna kirisedi.

Aıta keteıik, fýtboldan Qazaqstan birinshiliginiń 5 dúrkin jeńimpazy «Aqtóbe» byltyr el chempıonatynda sońǵy oryn ıelenip, Birinshi lıgaǵa túsip qalǵan edi.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar