Qazaqstan • 04 Mamyr, 2020

Jeńis degen jalǵyz sóz jandy baýrap...

17 ret kórsetildi

Búgingi tańda Kókshetaý qalasynda nebary  13 maıdanger turady. Onyń biri – Valentına Mazýrova. Taıaýda izdep baryp, tildestik.  Sum soǵys týraly syzdyqtatyp syr shertpek túgili aýzyna da alǵysy kelmeıdi. Jadynda tek Jeńis kúnine qalaı jetkeni jattalyp qalypty.

1945 jyly qarshadaı baǵyttaýshy-zenıtshi qyz Polshada júrgen edi. Terezeniń jaqtaýynda anasyna hat jazyp otyrǵan sátte oq atylyp, keıin Jeńis degen qýanyshty daýystar estilgen.  Aq túıeniń qarny jarylǵan sátte júrek tolqyǵany sondaı, manadan beri amandyǵyn baıandap otyrǵan qolyndaǵy hat ta tolyq jazylmady. Sol kezde qos janardan monshaqtap jas tógilgen. Bul qýanyshtyń nyshany edi. Sálden soń, «Biz jeńdik! Men Bııskige mindetti túrde oralamyn» dep anasyna bir býma hat jazyp jiberedi.  

–Keshkisin men anama hat jazýǵa kirisken edim. Kenetten urys bastalyp, keıin tynysh ornaı bastady. Jeńis, Jeńis degen daýys estildi. Denim dirildep, tula boıym shymyrlap ketti. Osy kúni eshkim uıyqtaı almady. Erteń qalaı ómir súremiz degen oıda boldyq,–deıdi maıdanger Valentına Mazýrova.   

Valentına Mazýrova qan maıdanǵa nebári 19 jasynda attandy. Ákesi ol kezde eńbek armııasynyń qatarynda, al anasynyń moınynda taǵy segiz balanyń kútimi bar edi.  Ekinshi Ýkraın polkynyń quramynda jaýǵa qarsy toıtarys berdi. «Otan soǵysy» ordenimen jáne «Germanııany jeńgeni úshin» medalimen marapattaldy. Valentına Mazýrova  maıdan dalasynda  jaraqat alǵan jaýyngerlerge únemi kómek kórsetýmen boldy.   

Valentına Mazýrova 1948-shi jyly Kókshetaýǵa qonys aýdardy. Turmystyq hımııa fabrıkasyna jumysqa ornalasty. Turmys qurdy. Búginde kúıeýi men uly ómirden ozǵan. Jalǵys basty keıýana sum soǵysty aýyzǵa da almaıdy. Ol týraly fılmderdi de kórgisi joq. Ashyq aspan men beıbit kún ardager ana úshin baǵa jetpes baılyq ispetti.

 

Sońǵy jańalyqtar

Atyraýda ury úsh jyldan keıin ustaldy

Aımaqtar • Búgin, 16:06

Almaty qalasynda jer silkindi

Ekologııa • Búgin, 11:00

Sora ekken turǵyn tergelýde

Aımaqtar • Keshe

Uqsas jańalyqtar