Osy merzim ishinde saıtqa Qazaqstannyń ártúrli aımaqtarynan 30 000-nan astam adam kirgen. Osy ýaqytqa deıin mamandar 152 jeke onlaın-keńes ótkizdi.
Respýblıkalyq psıhıkalyq densaýlyq ǵylymı-praktıkalyq ortalyǵynyń bas dırektory Nıkolaı Negaıdyń aıtýynsha, shekleýli rejim kqptegen adamdarǵa aýyr tıdi. «О́kinishke oraı, keıbireýler úshin shekteýli keńistikte bolý qıynǵa soǵýda. Sondyqtan koronavırýstyq ınfeksııanyń órshý jaǵdaıynda psıhologııalyq kómek kórsetetin saıtqa kirgen azamattar mamandardyń keńesterin oqyp, psıhologtar suraqtaryn jazýǵa, sonymen qatar onlaın-keńester alýǵa múmkindik aldy. Negizinen, qazaqstandyqtar uıqysyzdyq, jalǵyzdyqtan qorqý, bolashaqqa alańdaý sııaqty máselelerge qatysty alańdaıdy. Oqshaýlaný kezinde vırtýaldy bolsa da psıhologııalyq keńes alýǵa múmkindik bar. Saıtqa mazalaǵan kez kelgen suraqqa jaýap alyp, ótinish qaldyrý arqyly psıhologtyń nemese psıhoterapevtiń tegin onlaın-keńesin alýǵa bolady. Karantındegi azamattar, múgedekter, zeınetkerler, medısına qyzmetkerleri, jasóspirimder jáne balalar ata-analarynyń ruqsatymen saıtta keńester ala alady.
Bul jobaǵa densaýlyq saqtaý, bilim berý, memlekettik, úkimettik emes sektorlarda elimizdiń barlyq aımaqtarynda jumys jasaıtyn 70-ten astam maman qatysýda. Onda koronovırýstyq ınfeksııanyń jergilikti jaǵdaıda beıimdelýi men taralýy kezindegi psıhologııalyq kómektiń úzdik halyqaralyq tájirıbesi jınaqtalǵan.
«Koronavırýstyq pandemııa kezinde, ásirese qalypty qoldaý mehanızmderi ózgergen kezde, balalarda qosymsha alańdaýshylyq pen stress týýy múmkin. Barlyq jastaǵy balalar bul emosııalarmen ár túrli joldarmen kúresedi, jáne olar kóbinese eresek adamdardyń emosııalaryna baǵynyshty bolady. Sondyqtan bul saıttyń jumysy eresekter úshin de, balalar úshin de óte mańyzdy. Biz Densaýlyq saqtaý mınıstrligine jáne Respýblıkalyq psıhıkalyq densaýlyq ǵylymı-praktıkalyq ortalyǵyna turǵyndardy qoldaýdaǵy jumysy úshin jáne saıtty qurýdaǵy yntymaqtastyq úshin alǵys aıtamyz», - dep atap ótti IýNISEF-tiń Qazaqstandaǵy ókili Artýr van Dızen.
