Prezıdent • 04 Mamyr, 2020

Qasym-Jomart Toqaev Aleksandr Lýkashenkomen telefon arqyly sóılesti

84 retkórsetildi

Qazaqstan Prezıdenti Qasym-Jomart Toqaev pen Belarýs Prezıdenti Aleksandr Lýkashenko birin-biri Uly Otan soǵysyndaǵy Jeńistiń 75 jyldyǵymen quttyqtady. Bul týraly Aqordanyń baspasóz qyzmeti habarlady.

Qasym-Jomart Toqaev Belarýs maıdangerleri men tyl ardagerleriniń fashıstik agressııaǵa qarsy kúrestegi kózsiz qaısarlyǵy men eren erligin atap ótip, olarǵa myqty densaýlyq, uzaq ómir tiledi.

Aleksandr Lýkashenko Qazaqstan men Belarýstiń ortaq Jeńiske jetýge zor úles qosqanyn aıtty. Sondaı-aq barsha Qazaqstan halqyna sheksiz alǵysyn joldap, baq-bereke tiledi.

Áńgimelesý barysynda taraptar pandemııanyń taralýy kezinde halyqqa kómek berý, shaǵyn jáne orta bızneske qoldaý kórsetý úshin der kezinde qabyldanǵan sharalar jóninde aqparat almasty.

Memleketter basshylary eki el úkimetteriniń saýda-ekonomıkalyq yntymaqtastyqtyń oń qarqynyn saqtaýǵa jáne Qazaqstan men Belarýs arasyndaǵy strategııalyq seriktestiktiń barlyq salasy boıynsha yqpaldastyqty odan ári arttyrýǵa baǵyttalǵan is-qımyldaryn úılestirý týraly ýaǵdalastyqqa qol jetkizdi.

Sonymen qatar taraptar aldaǵy ýaqytta atqarylatyn ekijaqty is-sharalardyń kestesin jáne kópjaqty uıymdar men forýmdar aıasyndaǵy yqpaldastyqtyń perspektıvalaryn talqylady.  

Telefon arqyly sóılesýge Qazaqstan tarapy bastamashy boldy.

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Uqsas jańalyqtar