Prezıdent • 05 Mamyr, 2020

Aldaǵy ýaqytta medısınalyq-bıologııalyq zertteýlerge erekshe kóńil bólinedi

52 retkórsetildi

Memleket basshysy Qasym-Jomart Toqaev «Egemen Qazaqstan» gazetine bergen «Elimiz bul qıyndyqtan shyńdalyp shyǵady» atty suhbatynda Qazaqstandaǵy medısına ǵylymynyń damýyna toqtaldy.

«Koronavırýs indeti medısına ǵylymyn damytýdyń da ózekti ekenin kórsetip berdi. Qazir búkil álem osy salaǵa erekshe nazar aýdaryp, juqpaly aýrýlarmen kúresti kúsheıtýde. Bul – zańdy qubylys. Aldaǵy ýaqytta elimizde medısınalyq-bıologııalyq zertteýlerge erekshe kóńil bólinedi. О́ıtkeni, aıbyndy áskermen birge myqty medısına da – memlekettiń negizgi qalqany. Budan bylaı onyń ózektiligi arta túsetini sózsiz»,- dedi Memleket basshysy.

Prezıdent aldaǵy ýaqytta Densaýlyq mınıstrligi atqaratyn jumysty atap ótti.

«Jaqynda Nur-Sultan qalasynda modýldik juqpaly aýrýlar aýrýhanasy ashyldy. Onyń nebári eki apta ishinde salynǵanyn bilesizder. Aýrýhana halyqaralyq talaptarǵa saı jabdyqtalǵan. Ony arnaıy baryp aralap kórdim. Sonymen qatar, ǵalymdarymyz dıagnostıkalyq test júıesin ázirlep shyqty. Mine, osyndaı naqty jumystar salany jetildire túsetini sózsiz. Densaýlyq saqtaý mınıstrligi aldaǵy ýaqytta da medısınalyq qyzmet sapasyn arttyrý úshin aýqymdy ári júıeli jumys júrgizýi kerek»,- dedi Q.Toqaev.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar