Prezıdent • 05 Mamyr, 2020

Q.Toqaev syrtqy saıasatymyzdy qalaı júrgizýimiz kerek degen suraqqa jaýap berdi

607 retkórsetildi

Memleket basshysy Qasym-Jomart Toqaev «Egemen Qazaqstan» gazetine bergen suhbatynda pandemııadan keıin halyqaralyq qatynastar qalaı óristeıtini jaıly aıtty.

«Búginde búkil álem damýdyń jańa kezeńine qadam basty. Bul, ásirese, osy pandemııadan keıin anyq baıqalady dep oılaımyn. Osyndaı syn saǵatta ár memleket, eń aldymen, óz azamattarynyń qaýipsizdigin oılaıdy. Bul – zańdy nárse. Biraq mundaı kúrdeli kezeń halyqaralyq yntymaqtastyqqa syzat túsirmeýi kerek. Sońǵy aptalarda men birqatar elderdiń jáne halyqaralyq uıymdardyń basshylarymen telefon arqyly sóılestim. Túrki tildes memleketterdiń yntymaqtastyq keńesiniń beınesammıtine jáne Joǵary eýrazııalyq ekonomıkalyq keńes músheleriniń onlaın formatyndaǵy jumys kezdesýine qatystym»,- dedi Q.Toqaev.

El Prezıdenti indetke qarsy turýdyń negizgi joly – seriktes eldermen birge kúsh jumyldyrý ekenin atap ótti.

«Qazir pandemııamen kúres júrgizý baǵytyndaǵy halyqaralyq yntymaqtastyqty kúsheıtý qajet. Osyǵan oraı biz seriktes eldermen birge kúsh jumyldyryp otyrmyz. Bul – indetke qarsy turýdyń negizgi joly. Jalpy, syrtqy saıasatymyzdyń sabaqtastyǵy saqtalatyn bolady. О́zimizdiń dástúrli jáne jańa seriktesterimizben ózara tıimdi qarym-qatynastardy damyta beremiz»,- dedi Memleket basshysy.

Prezıdent odan bólek ınvestısııa tartý máselesine toqtaldy.

«Sonymen qatar kez kelgen memleket úshin basqa elderden ınvestısııa tartýdyń mańyzy zor. Sondyqtan biz de syrtqy saıasatta ekonomıkalyq dıplomatııaǵa basa mán beremiz. Bul – Qazaqstannyń uzaq merzimge arnalǵan strategııasyndaǵy basym baǵyttyń biri. Aldaǵy kezeńde de solaı bolyp qala beredi. Syrtqy saıasat sóz júzinde emes, is júzinde syndarly bolýǵa tıis. Dıplomatııa salasy da indettiń saldarynan sabaq alǵany jón»,- dep atap ótti Q.Toqaev.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar