Koronavırýs • 05 Mamyr, 2020

Koronavırýsty jeńgen qyz

561 retkórsetildi

Atyraýda koronavırýs ın­fek­­sııasynan jazylyp shyq­qandardyń biri – Aıkórkem Kýse­sova Kanadanyń Vankýver qala­syndaǵy Saımon Freızer ýnı­versıtetinde oqıdy. Jahan jurtynyń úreıin ushyrǵan koro­navırýs ınfeksııasyna baı­la­nys­ty ýnıversıtettegi oqý on­laın formatqa kóshirilipti.

– Sodan elge oralýǵa jınal­dyq. Ýnıversıtet bılet alyp berdi. Atyraýǵa Amsterdam ar­qyly ushatyn reıspen kelgen boıda oqshaýlandyq. Bizdiń reıstegi bir jolaýshynyń analızinen koronavırýs ınfeksııasy rastaldy. Sóıtip, bizdi de 14 kún karantınge, ıaǵnı Atyraýdaǵy provızorlyq stasıonarǵa jat­qyzdy. Shynymdy aıtsam, bas­tapqyda mende ınfeksııa sımp­tomy bolǵan joq. Karantınde ózimdi jaqsy sezinip júrdim. Dene qyzýym kóterilmedi. Ka­rantın merzimi ótken soń, úıge baramyn degen úmitim bar edi. Biraq, dárigerler menen de vırýstyń tabylǵanyn habarlady, – deıdi ol. 

 

Árıne, aýrýdyń qaı-qaısysy da adamǵa ýaıym týdyrady ǵoı. Al mynadaı qaýipti indetke shal­dyǵý týraly estý, tipten qor­­qy­nyshty ekeni ras. Indettiń sheń­geline ilingenin estigende Aı­kórkem de qatty jylady. Bireý sener, bireý senbes, dál sol sátte bolashaǵy bulyńǵyr tar­typ bara jatqandaı edi.

– Bul kún meniń esimde máńgi saqtalatyn bolar. Esimnen shy­ǵara alar emespin. Bul – 8 sáýir. Dál osy kúni mende qaýipti in­dettiń belgisi anyqtaldy. Sol kúni Atyraýdaǵy №2 ınfek­sııalyq aýrýhanaǵa tústim. Oıy­ma ne kelip, ne shyqpady deısiz. Ári-sári kúıge tústim. Úıde­gilerge telefonmen úzdiksiz ha­bar­­lasyp, «Endi ne isteımin?» degen suraqty qaıta-qaıta qoıa berdim, – deıdi Aıkórkem Kýsesova.

Infeksııalyq aýrýhanadaǵy alǵashqy kúnin ýaıymmen ótkizdi. Dárigerler aýrýhanaǵa jatqan sátten bastap kúnine eki mezgil qabyldaıtyn eki dári berdi. Bul – koronavırýspen kúresip jatqan álem medısınasy qoldanǵan dáriler. Dári qabyldaǵan soń, bastapqyda asqazany aýyrǵan. Keıin aýzyna ashy dám keletin boldy. Úreı men qorqynyshqa boı aldyra bastady. Toǵyz kúnnen keıin denesinde bórtpe paıda boldy. Sondaı sátte psıhologııalyq, moraldyq demeýin kórsetken dáriger Jantóre Orysbaeva ómir súrýge degen úmitin oıatty.  

– Menimen birge palatada úsh adam jatty. Olardyń birin qurǵaq jótel qysyp, qatty qı­naldy. Endi biri dámdi de, ıisti te múldem sezbedi, – dep aýrý­hanadaǵy kúnderin muńaıa es­ke ala­dy ol.  

Dárigerlerge eshqandaı ókpesi joq.  О́ıtkeni, olar kún saıyn naýqastardy balasha mápeledi. Qal-jaǵdaıyn surady. Tańmen beriletin dárilerdi  qabyldaýyn qadaǵalady. Dene qyzýyn ólshedi. Tańerteńgi saǵat 10:00 shamasynda  dárigerler  jaǵdaıyn tekseredi. 

– Bizdi dárigerler dárimen ǵana emes, jyly sózimen de emdep shyǵardy. Dárigerdiń jyly sózi de taptyrmas em. Men sekildi biraz adamnyń qa­ýip­ti indetten jazylýyna bar yntasymen eńbektengen Jan­tóre Orysbaeva, Saltanat Qa­ıy­rova, Nurfııa Qızatova, Ásııa Sıdeshova, ózge de medısı­na qyzmetkerleriniń sońǵy naýqas saýyqqansha aýrýhanadan shyq­paımyz degen adaldyǵyna rızamyn. Dárigerlerge arnaıy qor­ǵanysh kıimimen júrý de, otba­syna barmaı jumys isteý de ońaı emes, – dep aǵynan jaryldy stýdent. – Aýrýhanadan shyqqan kúni qýanyshymda shek bolǵan joq. Sebebi, álemde bul indettiń qurbany bolyp jatqandar kóp ǵoı. Bastapqyda «osy indetti jeńip shyqsam» degen armanym boldy. Sol armanyma medısına qyzmetkerleriniń qoldaýymen qol jetkizgenime qýandym.

Aýrýhanadan úıine jetkenshe, kóp adamnyń kóshede alańsyz júrgenine qynjyldy. Jalpy, ár adam óz basynan ótkizbeı, qaýip-qaterdiń ne ekenin sezinbeıdi ǵoı.

– Qazir kópshiliktiń arasynda «vırýs joq, aýrýhanaǵa jatyp shyǵý úshin aqsha tólep jatyr» degen alypqashpa áńgimeler tarady. Biraq, sondaı áńgimelerdi taratyp júrgender de, soǵan senetinder de qatty qatelesedi. О́ıtkeni,  koronavırýs – oıynshyq emes. Bul – óte qaýipti indet. Koronavırýs bizdiń aramyzda júr. Sondyqtan, dárigerler usynǵan saqtyq sharalaryn qatań saqtaǵan jón. Barshaǵa aıtarym, ózińizdiń, otbasyńyzdyń, barsha adamzattyń amandyǵyn oılasańyz, tártipke baǵynyńyz. Taǵy da qaıtalap aıtaıyn, saqtyq sharalaryn saqtap, beı-bereket júrýdi doǵarý kerek, – deıdi Aıkórkem Kýsesova.

Endi ol dárigerlerdiń bergen keńesin saqtaýǵa bekinip otyr. Úıinde 21  kúndik karan­tınde bolady. Mekenjaıy bo­ıyn­sha tirkelgen emhanadaǵy epıdemıolog-dárigerge kún saıyn densaýlyǵy týraly habarlap, vıdeo jiberedi.  Karantın merzimi aıaqtalǵan soń, qaıtadan analız tapsyrady. Bári de jaqsy bolaryna senedi.

 

ATYRAÝ

 

Sońǵy jańalyqtar

Kaka «Qaıratpen» birge

Fýtbol • Búgin, 08:04

Mamyq-maýsym

Rýhanııat • Búgin, 07:57

Zańdy qaıta qaraý kerek

Saıasat • Búgin, 07:48

Mańyzdy sheshim

Pikir • Búgin, 07:43

«Qazarhıv» basqarmasy qajet

Rýhanııat • Búgin, 07:41

Úńgir (úshtaǵan)

Ádebıet • Búgin, 07:17

«Oqyǵan azamattyń» derti...

Ádebıet • Búgin, 07:15

Zulmattyń zardaby aýyr tıdi

Tarıh • Búgin, 07:10

Tarıhtyń taǵylymyna taǵzym

Tarıh • Búgin, 07:07

Endi sol zulmattar qaıtalanbasyn!

Pikir • Búgin, 07:00

Tramp býnkerge tyǵyldy

Álem • Búgin, 06:57

Temirtaýda qazaq baspasózi joq

Qoǵam • Búgin, 06:54

Ár aýyl­dyń óz «Groz­nyıy» bolǵan

Rýhanııat • Búgin, 06:50

Táýelsizdik – eń qymbat qundylyq

Saıasat • Búgin, 06:50

Syrdaǵy egin sýsyz qalýy múmkin

Ekologııa • Búgin, 06:48

Maýsym shildede jalǵasady

Sport • Búgin, 06:40

Jarys sátsiz bastaldy

Tennıs • Búgin, 06:40

Uqsas jańalyqtar