Tótenshe jaǵdaıǵa deıin de gımnazııada aqparattyq tehnologııalardyń barlyq múmkindikterin keńinen qoldanyp, bilim alýshylar óz betimen sandyq bilim berý resýrstary arqyly bilim alýǵa daǵdylanǵan.
«Bilim berý júıesi kóptegen ózgeristerge ushyraıdy, biz qashyqtan oqytýdan kóptegen jaǵymdy tájirıbe alýymyz kerek» degen Bilim jáne ǵylym mınıstri Ashat Aımaǵambetovtiń sózine zer salar bolsaq, jańa formatta bilim berý tájirıbesi pedagogterimizdiń bilim qorjynyn jańa ádis-tásildermen tolyqtyryp, bilim berý úrdisine ózgeshe qyrdan qarap úırenýge múmkindik berdi.
Tórtinshi toqsannyń basynan bastap qashyqtan bilim berý tehnologııalaryn paıdalana otyryp, gımnazııa dırektory Gaýhar Manekeevanyń basshylyǵymen pedagogterge nusqaýlyq berilip, qashyqtan oqytýdyń barlyq talaptary men jumysty uıymdastyrý túrleri belgilendi. Gımnazııadaǵy joǵary sanatty, tájirıbeli pedagogter beınedáris, dáris, mýltımedııalyq dáris, televızııalyq dáris, ózindik jumystar, vırtýaldy zerthanalyq praktıkýmdar, kompıýterlik testileý júıeleri sııaqty qashyqtan bilim berý tehnologııalaryn tıimdi qoldanyp keledi.
Gımnazııamyzda búginde «Sıfrly mektep» eksperımenti nátıjesinde elektrondy resýrstar bazasy jınaqtalǵan. Osy elektrondy oqýlyqtar men mýltımedııalyq oqý baǵdarlamalaryn, trenajerler men jobalyq jumystardy pedagogter oqý úrdisinde erkin qoldanady. Elektrondy jýrnaldarda jáne kúndelikterde kúntizbelik-taqyryptyq josparlardy rettep, veb-saıttarǵa, elektrondy kitaphanalarǵa jáne t.b. siltemelerdi qoldana otyryp, oqý materıaldaryn ýaqtyly josparlap qurastyrýda.
Pedagogterdiń bilim alýshylarmen tildesýi men keri baılanysy – elektrondy hat, habarlama, chattar arqyly, al konsýltasııalar jeke nemese toptyq beınebaılanys túrinde telekommýnıkasııalyq quraldardyń kómegimen júzege asyrylyp jatyr. Barlyq jumystar Kundelik.kz, Daryn.online, Bilimland, sondaı-aq Whatsapp, Telegram kanaldary arqyly atqarylady.
Jańa formatta júrgiziletin jumys túrleri mindetti túrde dırektordyń oqý-tárbıe isi jónindegi orynbasarymen kelisiledi. Josparlanǵan jumys túrleri týraly kez kelgen aqparat bilim alýshylar men ata-analarǵa elektrondy jýrnaldar men kúndelikter arqyly der kezinde jetkiziledi.
Onlaın-sabaqtar bekitilgen oqý kestesine sáıkes ótkizilip jatyr. Bilim alýshynyń ózindik jumysyna baqylaý jasalyp, keri baılanys júrgizilýde. Úı tapsyrmalarynyń kólemi belgilengen normalarǵa sáıkes berilýde.
Gımnazııamyzdyń tájirıbeli pedagogterdiń jasap jatqan jumystary men pikirlerine toqtala ketsek. Bastaýysh synyp muǵalimi Aınur Jataqbaeva: «Oqýshylardyń qyzyǵýshylyqtary jaqsy, biraq olarmen betpe-bet kezdeskenge, árıne jetpeıdi. Balanyń basynan sıpap, arqasynan qaǵyp, kózine qarap sabaq berý – erekshe sezim. Ony qashyqtan oqytýda sezine almaısyń. Ata-analar balalarymen birge sabaq oqý barysynda bilim berýdiń qıynshylyǵyn túsindi. О́z balalaryn jańa qyrynan kórip, balalarynyń múmkindikterine kózderin jetkizdi. Ustazdyń moınynda qansha úlken jaýapkershilik pen eńbek turǵanyn bile bastady» dep oıymen bólisse, Ásem Smakova: «Elimizde beleń alyp jatqan qıyndyqtarǵa qaramaı, zamanǵa saı jańashyl ádisterdiń keregin qoldanyp, shákirtterimizdiń tarydaı talabyna úńilip, keýdesine taýdaı úmit uıalatyp eńbek etip júrgen Otanymyzdyń túkpir-túkpirindegi áriptesterimniń eńbegi eren dep oılaımyn. Oqýshylar ózdiginen bilim alýǵa daǵdylanǵany baıqalyp jatyr, bilim sapasy ornyqty deńgeıde tur dep esepteımin. Oqýshylar sanaly túrde «Bilim ózim úshin kerek» dep bar múmkindikti paıdalanyp oqýda» dedi.
Sol sııaqty ujymnyń barsha pedagogteri qashyqtan oqytýda eshqandaı másele joǵyn aıtyp, bilim sapasy tıisti deńgeıde bolady degen senimde.
Qashyqtan oqytý men tárbıeleý – synyp jetekshilerine de oqýshylar men ata-analarǵa da tańsyq, jańa tájirıbe. Synyp jetekshileri ata-analardy qashyqtan oqytý men tárbıeleý prosesi, sabaq kestesindegi ózgerister men keri baılanys jasaý, oqý barysy men oqý nátıjeleri, bilim alýshylarǵa úıde jaǵdaı jasaý qajettiligi týraly habardar etip otyr. Bilim alýshylar jáne olardyń ata-analarymen suhbattar, forýmdar elektrondy jýrnaldar men kúndelikter júıesinde jáne chattar arqyly jasalady. «Ata-ana – muǵalim – oqýshy» atty úshtik arasyndaǵy baılanys burynǵydan da nyǵaıa tústi. Ata-analar ustazdardyń jumysyn joǵary baǵalap, alǵystaryn jarııalaýda. Qashyqtan oqytý arqyly olar ustaz jumysynyń kóptegen qyrymen tanysty. Sonymen qatar daryndy balalarmen jumys tótenshe jaǵdaı kezinde de óz jalǵasyn tabýda.
Sandýǵash BIJANOVA,
«Jańa ǵasyr» №175 gımnazııa dırektorynyń oqý-tárbıe isi jónindegi orynbasary
