Sol sebepti IýNESKO Dúnıejúzilik bilim koalısııasyn uıymdastyrmaq, bul qashyqtan oqytýdyń ozyq tájirıbelerin keńeıtýge jáne keleshek urpaqtyń sapaly bilim alýyna barlyq qoljetimdilikti qamtamasyz etedi.
«Elimiz qashyqtan oqytýǵa daıyn ba?» degen sııaqty saýaldar kópshilik ata-analardyń kókeıinde júrgen másele. Birinshiden, elordanyń ózinde atyn atap, túsin tústemesek te birsypyra mektep úsh aýysymdy júıede oqıdy. Al basqa aımaqtardaǵy mektepterdiń áleýeti odan da múshkil. Ekinshiden, elimizde 180 myńnan astam oqýshyny qashyqtan oqytýǵa qaýqarymyz jete me?! Úshinshiden, pedagog jáne IT mamandarynyń tapshylyǵy. Mysaly, bir pán muǵalimi bir synyptyń 25-30 balasyn qamtýy tıis. Endi, eseptep kórińiz, bir synyptan 25 balany on synypqa kóbeıtsek, bir táýlikte muǵalim 250 balaǵa onlaın rejiminde sabaq oqytýda. Al ǵalamtor jelisi aıtarlyqtaı máz emes.
Nur-Sultan qalasyndaǵy №61 orta mektebinde laborant qyzmetin atqarýshy Áıgerim Beısenbaıqyzy: «Jumyla kótergen, júk jeńil» degendeı ujym bolyp barynsha bul júıege daıyndyq jumystaryn júrgizýdemiz. Bul tusta mektep basshylyǵy az qamtylǵan jáne kóp balaly otbasylaryna kompıýterler men planshetter (olardyń naýshnıkterimen birge) taratýda. Onyń basy-qasynda ózim de júrmin», deıdi.
Qalaı aıtsaq ta, ata-analar bul júıege moraldyq turǵydan bolsa da daıyn bolýy kerek. Sebebi oqýshynyń bári qazir ata-anasynyń janynda.
Elordadaǵy mekteptiń jartysynan astamy Zoom platformasyna kóshse, al Almaty qalasyndaǵy birtalaı mektep Daryn.online, Classroom júıesin qoldanýda. Keı mektepter «Balapan» telearnasynda ótetin sabaqtardyń kestesin alyp ta úlgergen. Bir mektepter «Elarna» telearnasymen tikeleı baılanysqa shyqpaq. Shynynda bul is muǵalim men ata-ana birlesip jumys istegende ǵana tolyq júzege asady. Eki jaqqa da júkteler jaýapkershilik zor. Endeshe aldaǵy kúndi jaqsy úmitpen, jaıdary jarqyn júzben qarsy alaıyq!.
Aıym Bolatqyzy
