Bahreın elordada mektep salýǵa 3,3 mıllıard teńge ınvestısııa quıdy. Bul oqý orny qazirgi ýaqytta 3,5 myń oqýshysy bar № 72 mekteptegi shamadan tys júkteme máselesin sheshýge múmkindik beredi. Oqý orny aqysyz negizde qalanyń kommýnaldyq menshigine beriledi. Mektepte oqý tegin bolady. Qurylys 2021 jyly aıaqtalady. Elordada arab memleketteriniń qarjylandyrýymen salynǵan memlekettik mektepter bar. Búginde qalada BAÁ jáne Katar memleketteriniń mektepteri (№85 mektep-lıseıi 2018 oqý jylynan bastap jáne 2017 oqý jylynan bastap №84 mektep-lıseıi) tabysty jumys istep jatyr.
Bıyl 12 mektep salynsa, 2021 jyly taǵy 12 memlekettik mektep salynady. Birinshi kezekte mektepter suranys bar jerlerge salynady. Osylaısha úsh aýysymdy jáne mektepterge artylǵan shamadan tys júkteme máselesi sheshiledi.
Qala ákimi Altaı Kólginov «qarapaıym zattar ekonomıkasyn» qoldap, damytý qajet ekendigin aıtty. «Mektepterdi sapaly salyp, qurylys barysynda sanıtarlyq normalardy saqtaý qajet,-dedi. Keshendi jospar aıasynda 5 jyldyq kezeńge 60 myń oryndyq 50 mektep (onyń ishinde 10-y mektepterdiń aýmaǵynda) salý josparlanǵan. Bul eki aýysymda 120 myńǵa jýyq oqýshy ornyn qurýǵa múmkindik beredi.
