Aımaqtar • 05 Mamyr, 2020

Túrkistan: Maqtaaral aýdanynda 845 turǵyn úıdi, 7639 gektar egistik jerdi sý basqan

49 retkórsetildi

Túrkistan oblysy Maqtaaral aýdanynda oryn alǵan tótenshe jaǵdaı saldarynan búgingi tańǵa, aldyn ala esepteýler boıynsha, jalpy 845 turǵyn úıdi, 3 mektep, 5 bala-baqsha, 4 medısına nysandary men  mádenıet úıin, 10 dúkendi sý basqan. Jeńis aýylyndaǵy kópirdi jáne respýblıkalyq, oblystyq, aýdandyq mańyzy bar 54,7 shaqyrym avtojoldardy sý shaıdy.

«QazSýshar» RKM-niń málimetterine sáıkes, keıbir eldi mekenderde sý deńgeıi ortasha 3-4 santımetrge tómendegen. Eldi mekenderdi sý basýynyń aldyn alý maqsatynda atqarylyp jatqan ister jalǵasyn tabýda. Bul oraıda halyqty qulaqtandyrý maqsatynda Maqtaral aýdanynyń 15 eldi mekeninde 38 dabyldy eskertý qurylǵysy ornatylǵan. Nurlyjol,  О́rgebas,  Yrysty,  Jantaqsaı eldi mekenderinde bógetter salynyp, Myrzakent kenti baǵytynda Fırdoýsı eldi mekeniniń aýmaǵynda 3 kollektor ornatylǵan. Budan bólek, Maqtaaral aýdany aýmaǵynan aǵyn sýdy tez arada shyǵarý maqsatynda О́zbekstan Respýblıkasy tarapynan Jetisaı aýdany, Qoǵaly eldi mekeniniń mańynan «ortalyq betpaqdala kollektory» arqyly avtojol kópirin aınalyp ótetin kanal qazyldy.

Úkimet saǵatynda Maqtaaral aýdanyna qatysty baıandama jasap, tótenshe jaǵdaı boıynsha atqarylyp jatqan jumystarǵa toqtalǵan oblys ákimi О́mirzaq Shókeev osyndaı derekter keltirdi. Aýdanda qoǵamdyq tártipti saqtaý jáne sý basqan turǵyn úılerdi múlkin qorǵaý úshin 8 blok - beket ornatylyp, polısııa departamentiniń jeke quramynan jalpy 335 qyzmetkeri men 57 arnaıy avtokóligi jumyldyrylǵan. «Aldyn ala jınaqtalǵan málimetter boıynsha kólemi 7639 gektar egistik jerdi sý basqan. Sonymen qatar, mal shyǵyny naqtylanýda. Qazirgi tańda, osy joǵaryda atalǵan shyǵyndardy eseptep jatyrmyz. Shyǵyn kólemi naqtylanyp bolǵan soń, qosymsha baıandalatyn bolady», dedi О́mirzaq Shókeev.

prpr

Oblys ákimi baıandamasynda jalpy 31 606 turǵyn 14 eldi mekennen evakýasııalanǵanyn, 7 eldi mekende sý basý qaýpi áli de joǵary ekenin aıtyp ótti. Al Myrzakent jáne Aqjol eldi mekenderdiń turǵyndary óz úı-jaılaryna qaıta oralýda. Avarııalyq-qutqarý jumystaryn júrgizý úshin aýdanda tótenshe jaǵdaı jarııalanǵaly beri 986 adam, 10 dana júzý qurylǵysy, 180 dana tehnıka jumyldyryldy. Sonymen qatar, Qyzylorda, Jambyl oblystary men Shymkent qalasynan 30 ónimdiligi joǵary sý jınaǵysh soraptar jetkizilýde. Budan bólek, Ulttyq Ulan áskerı bóliminen 413 áskerı qyzmetker men 37 dana tehnıka tartyldy. Qosymsha Almaty qalasynan Ulttyq Ulannyń qutqarý batalonynan 320 áskerı qyzmetker men 26 dana tehnıka kelýde. Oblys ákimi, sondaı-aq kórshiles oblystar men kásipkerler tarapynan da túrli kómekter kórsetilip, qoldaý bildirilip jatqanyn jetkizdi.

perpr

 

 

Túrkistan oblysy

Sońǵy jańalyqtar

Apple Store dúkeni ne úshin qorshalýda?

Tehnologııa • Búgin, 18:41

Qostanaı oblysynda joldar jóndeledi

Aımaqtar • Búgin, 18:07

Elbasy Baýyrjan Baıbekti qabyldady

Elbasy • Búgin, 17:57

Qazalyda 42 joba júzege asady

Aımaqtar • Búgin, 17:47

300 baspaǵa sýbsıdııa beriledi

Aımaqtar • Búgin, 17:37

«Baıqońyr» ǵarysh keshenine - 65 jyl

Aımaqtar • Búgin, 17:30

Qazaqstandyq ásker qatary tolyqty

Aımaqtar • Búgin, 16:57

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Uqsas jańalyqtar