Qazaqstan • 05 Mamyr, 2020

Ǵaryshtan túsirgen sýretter sý tasqynynyń aýmaǵyn naqty anyqtaýǵa septigin tıgizdi

123 retkórsetildi

Jerdi qashyqtan zondtaý jáne jer ýchaskelerin sıfrlaý júıesi Túrkistan oblysy, Maqtaaral aýdanyndaǵy sý basý aýmaǵyn jedel anyqtaýǵa múmkindik berdi. Bul týraly Sıfrlyq damý, ınnovasııalar jáne aeroǵarysh ónerkásibi mınıstrliginiń baspasóz qyzmeti habarlady.


KazStSat jáne KazEOSat-1 qazaqstandyq spýtnıkterinen, sondaı-aq Qazaqstannyń strategııalyq áriptesi – Airbus D&S spýtnıginen alynǵan ǵaryshtyq monıtorıng derekteri óńirdegi sý tasqyny jaǵdaıyn taldaýǵa negiz boldy.

«Qazaqstan Ǵarysh Sapary» mamandary qysqa merzimde sý basqan eldimekenderdegi úıler men ǵımarattardy, sondaı-aq aýyl sharýashylyǵy jerlerin anyqtady. Bul Memlekettik jer kadastrynyń aqparattyq júıesindegi sıfrlanǵan kadastrlyq derekterdiń arqasynda múmkin boldy.

Ákimdik osy málimetter boıynsha zardap shekken azamattardy, ıaǵnı jyljymaıtyn múlik pen jer ýchaskeleriniń ıelerin anyqtaı aldy.

«Qazaqstan Ǵarysh Sapary» UK» AQ mamandary ǵaryshtan alynǵan derekterdi arnaıy geoportalǵa ornalastyrdy. Tótenshe jaǵdaıdy odan ári qadaǵalaý úshin bul derekter Túrkistan oblysynyń ákimdigine jáne Tótenshe jaǵdaılar jónindegi aımaqtyq departamentke berilip otyrdy. Spýtnıkten alynǵan derekter TJ kezinde únemi jańartylyp turady.

Túrkistan oblysy Maqtaaral aýdanyndaǵy «Sardoba» sý qoımasy bógetiniń buzylýy týraly habar berilgen boıda, Jerdi qashyqtan zondtaý quraldary arqyly jaǵdaı baqylaýǵa alyndy. Spýtnıkterdiń jumysyn baqylap otyratyn «Qazaqstan Ǵarysh Sapary» ulttyq kompanııasynyń mamandary «KazEOSat-1» jáne «KazEOSat-2» jerserikteriniń orbıtalardan ótýine septese,  «Ghalam» JShS mamandary ǵylymı-tehnologııalyq maqsattaǵy KazStSat spýtnıginiń qajetti aımaqtyń ústinen ótýine septep, aldaǵy kúnge túsirilim jumysyn josparlady. Osymen birge, belgilengen aýmaqty sýretke túsirý jumysyna «Qazaqstan Ǵarysh Sapary»-nyń álemdik áriptesteri: Airbus, Maxar, Planet operatorlary da qatysty.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar