Qazaqstan • 05 Mamyr, 2020

Soǵys ardageri Sattar Jaqanov: Qoshqarbaevtyń qasynda boldym

85 retkórsetildi

Aqmola óńiriniń týmasy Sattar Jaqanov aqsaqal bıyl 94 jasta. Nebári 18 jasynda qan maıdanǵa attanǵan sarbaz Berlınge deıin barǵan. Raqymjan Qoshqarbaevpen bir polkta bolyp, batyr Reıhstagqa tý tikkende janynda bolǵan.  

1944 jyl. Surapyl soǵystyń sońǵy jyly. Keńes áskeri fashısterdi túre qýyp, Eýropaǵa jetken. Sol jyldyń qarasha aıynda qazirgi Býrabaı aýdanynyń týmasy Sattar Jaqanovqa da shaqyrtý qaǵazy kelgen. Aldynda ǵana týǵan aǵasy qan maıdanda qaza tapsa kerek. Endi mine, bozbala Sattar da soǵysqa attandy. 

–Vengrııa, Avstrııa, Germanııa jerlerinde boldym. 63 kún kúni-túni soǵysyp, osy úsh memleketti azat ettik. Mınometchık boldym. Reıhstagtyń túbinde 90 kún soǵystyq. Qazir sol bir kezdi eske alýdyń ózi ońaı emes. Nebir qyrshyn jas opat boldy,–deıdi maıdanger.

Mınometshy maıdanger Reıhstagqa deıin jetip, Jeńis týy jelbiregen tarıhı sáttiń kýágeri bolǵan. Keńes Odaǵynyń Batyry Raqymjan Qoshqarbaevpen bir polkta bolǵanyn maqtanysh etedi.

– Raqymjan Qoshqarbaev vzvod komandıri boldy. Bir polkta, bir batalonda boldyq. Soǵystan soń kelini úıge izdep kelgen. Tarıhı oqıǵanyń kýágeri retinde jadymda jattalǵan jaıdy aıtyp bergenmin,–deıdi maıdanger Sattar Jaqanov.

Sattar ata Otan soǵysynyń I jáne II dárejeli ordenderimen marapattalǵan. Maıdannan keıin orman sharýashylyǵynda eńbek etip, zeınetke shyqqan. Jubaıy Zeınıkamal – tyl ardageri. Qos ardager 9 bala ósirip-jetkizgen. Búginde nemereli, shóbereli bolyp otyr.

 

Kókshetaý qalasy

Sońǵy jańalyqtar

Júzdegen turǵynǵa jumys tabyldy

Aımaqtar • Búgin, 12:44

Uqsas jańalyqtar